İfaçı Emin daha bir albomunu təqdim etdi
Məşhur ifaçı və bəstəkar Emin Ağalarov ABŞ-ın Los Anceles şəhərində yerləşən əfsanəvi “The Viper Room” klubunda konsert proqramıyla çıxış edib.
Məşhur ifaçı və bəstəkar Emin Ağalarov ABŞ-ın Los Anceles şəhərində yerləşən əfsanəvi “The Viper Room” klubunda konsert proqramıyla çıxış edib. Sənətçi möhtəşəm gecədə keçən ilin sonunda bu ölkədə hazırlanan “After The Thunder” albomunu təqdim edib. Emin çıxışı zamanı öz musiqi qrupunun müşayiəti ilə hit mahnılarını canlı ifa edib. Onun oxuduğu mahnılar arasında “Baby Get Higher” və “Heart Keeps Beating” əsərləri yer alıb. Tədbirdə diqqət çəkən məqamlardan biri də izdiham arasında ifaçının yaxın dostu, rusiyalı müğənni Filip Kirkorovun iştirak etməsi olub. O, Eminə maksimum dəstək olmağa çalışıb.
Türkiyənin məşhur rəqqasəsi Didəm Bakıya gəlib. Bir neçə gündür şəhərimizin qonağı olan rəqqasə canlı efirlərdə qonaq olub. Bakını çox bəyəndiyini deyən Didəm bu gün Türkiyəyə qayıdacaq. Qeyd edək ki, Didəm Türkiyədə müğənni İbrahim Tatlısəsin rəqqasəsi kimi daha çox tanınır.
Müğənni Ramal İsrafilov Bakını tərk edərək İstanbula yola düşüb. Buna səbəb isə sənətçinin yeni yazdığı “Yağmur” mahnısıdır. Ramal bu əsərini Türkiyədə aranjiman etdirərək tezliklə sevənlərinə təqdim edəcək. Bundan başqa bəstəkar-müğənninin bəstələdiyi bəzi mahnıları Türkiyənin məşhur ifaçıları da oxuyacaq. Xatırladaq ki, Ramalın bəzi mahnılarını Alişan ifa edib.
Rəqqasə Fatimə yaxın günlərdə təqdimatını keçirəcəyi çox böyük bir layihə üzərində işlədiyini açıqlayıb. Bundan başqa konsert vermək fikrinə də düşən gənc xanım dörd yeni rəqs hazırladığını bildirib. “Artıq beşincinin üzərində çalışıram. Tam fərqli rəqslər olacaq” –deyə Fatimə söyləyib və son zamanlar rəqqasələrin səhnədə azlığından da narahatlığını gizlətməyib. “İstərdim rəqqasələr çox olsun, Belə halda rəqabət daha yaxşı olur. Amma etiraf edim ki, onların varlığı ilə yoxluğu məni maraqlandırmır. Mən həmişəki kimi öz yerimdəyəm” –deyə Fatimə vurğulayıb.
Sahilə Aslanova
Muz-Tv.az