Görkəmli şairin ölümündən 4 il ötür

Azərbaycanın Xalq şairi, dramaturq, ədəbiyyatşünas Bəxtiyar Vahabzadənin vəfatının 4-cü ildönümüdür. 

     Azərbaycanın Xalq şairi, dramaturq, ədəbiyyatşünas Bəxtiyar Vahabzadənin vəfatının 4-cü ildönümüdür. Görkəmli şair 1925-ci il avqust 16-da Şəki şəhərində anadan olub. O, 1947-ci ildə Bakı Dövlət Universitetinin Filologiya fakültəsini bitirib və universitetin nəzdində aspiranturaya qəbul olub. Bəxtiyar Vahabzadə 70-dən artıq şeir kitabının, 2 monoqrafiyanın, 11 elmi publisist kitabın və yüzlərlə məqalənin, eləcə də tarixi və müasir mövzuda 20-dən artıq iri həcmli poemanın müəllifidir.

    Azərbaycan Dövlət Akademik Milli Dram Teatrının səhnəsində onun «Vicdan», «İkinci səs», «Yağışdan sonra», «Yollara iz düşür», «Fəryad», «Özümüzü kəsən qılınc», «Cəzasız günah», «Dar ağacı» pyesləri tamaşaya qoyulub.

    O, tarixi və müasir mövzuda 20-dən artıq iri həcmli poemanın müəllifidir. Bəxtiyar Vahabzadə 60-cı illərdən başlayan milli azadlıq hərəkatının öncüllərindən biri olub. O, 1958-ci ildə yazdığı \"Gülüstan\" poeması ilə iki yerə parçalanmış Azərbaycanın tarixi faciəsini dilə gətirərək rus və fars imperiyasının pəncəsi altında inləyən Azərbaycan xalqının azadlıq və istiqlal uğrundakı ədalətli mübarizəsinə qoşulub.

    Şairin əsərləri – şeir kitabları, dramları və publisistik yazıları ingilis, fransız, alman, fars, türk, polyak, ispan, macar, keçmiş Sovetlər Birliyi xalqlarının dillərinə tərcümə edilib.

Xalq şairi Bəxtiyar Vahabzadə 2009-cu il fevral 13-də vəfat edib.

 

Sahilə Aslanova

 

Muz-Tv.az