Məşhur türkiyəli müğənni Bakıya gəlir

8 mart Beynəlxalq Qadınlar Günü münasibəti ilə Türkiyənin tanınmış müğənni və teleaparıcısı Seda Sayan paytaxtımıza qonaq gələcək. 

   8 mart Beynəlxalq Qadınlar Günü münasibəti ilə Türkiyənin tanınmış müğənni və teleaparıcısı Seda Sayan paytaxtımıza qonaq gələcək. Dünyaca məşhur kosmetika brendlərinin birinin siması olan sənətçi məhsul tanıtımı məqsədi ilə səhnəyə də çıxacaq. Təşkilatçılar hələ ki, tədbirin keçiriləcəyi məkanı açıqlamır. Qeyd edək ki, bu, Seda Sayanın Azərbaycana sayca üçüncü gəlişi olacaq.

   Röya Ayxan Sevgililər günü münasibəti ilə heyranlarını təbrik edərək, hər kəsə sevib-sevilməyi arzulayıb. Müğənni  hələ hədiyyəsini almadığını da vurğulayıb. “Bilirsiz səhər tezdən evdən çıxmışam, hələ Anardan hədiyyə almamışam. Yəqin ki, onun sürprizi mən evə gedəndən sonra olacaq” –deyə Röya özünə ürək-dirək verib.

   Tanınmış bəstəkar Nazim Məmmədov şəxsi həyatından danışıb. O, yaxın zamanlarda ata olacağını deyib. Bəstəkar dünyaya gəlmək üzrə olduğu övladının adını da açıqlayıb. “Qismət olsa yaxın aylarda ata olacam. Həkimlərin dediyinə görə, qız övladım dünyaya gələcək. Adını Fatimeyi Zəhra qoyacam. Ancaq hələ dünyaya gəlməmiş qızımı Xanım deyə çağıracam”-deyə Nazim həyəcanını gizlətməyib.

    Müğənni-şoumen Rəhim Rəhimli yeni şou layihə ilə televiziya tamaşaçılarının görüşünə gələcək. Sənətçinin bu zamanadək R.R imzasını atdığı digər şoulardan fərqli olaraq \"Show Rəhimli\" adlı veriliş tam başqa formatda təqdim olunacaq.  Rəhim bu proqramın Azərbaycan teleməkanında ən səviyyəlilərdən biri olacağını deyib: \"Yüksək səviyyədə şou təqdim edəcəyik. Qonaqlarımız da incəsənət mühitinin seçilən nümayəndələri olacaq\".

 

Sahilə Aslanova

 

Muz-Tv.az