Həmkarları onurğa iflicindən əziyyət çəkən xalq artistini ziyarət etdi

Müğənnilər Zakir Əliyev, Manaf Ağayev və tamada, bədii qiraətçi Pünhan İsmayıllı onurğa iflicindən əzyyət çəkən və hazırda xəstəxanada müalicə alan xalq artisti Könül Xasıyevanı ziyarət ediblər.

Muztv.az xəbər verir ki, xanəndəyə xəstəxanada baş çəkən M.Ağayev onunla çəkilmiş fotosunu İnstaqram hesabında bölüşüb: "Allah Könül xanımın yardımçısı olsun. İnşallah, tezliklə sağlığına qovuşar".

Qeyd edək ki, aparıcı Hacı Nuran Hüseynovun "Həyat" xeyriyyə fondu muğam ifaçısı K.Xasıyevanın müalicəsinə dəstək olur.