Dünyaca məşhur Dj-lər Bakıya gəlir

Röya radio və efirlərdə onun adından istifadə edib, müzakirələr aparılmasına qadağa qoyub. 

    Röya radio və efirlərdə onun adından istifadə edib, müzakirələr aparılmasına qadağa qoyub. “Hansısa dinləyici niyə sənətkar haqda zəng edib fikir bildirməlidir? Niyə hansısa müğənni ilə məni müqayisə edirlər?” - deyən müğənni dostlarını da onu dəstəkləməyə çağırıb.  Qeyd edək ki, bu teleməkana qadağa qoyan ilk müğənni deyil. Bir çoxları tez-tez bu cür bəyanatlarla çıxış edir. Elə xalq artisti Nisə Qasımova da bəzi proqramlara qadağa qoyub.

   “Eurovision 2011” Mahnı Müsabiqəsində Azərbaycana birincilik gətirən Eldar Qasımov “Sevgililər günü”ndə yeni mahnı hazırlayıb. Yeni əsəri haqqında danışan müğənni sevgi haqqında da fikirlərini bölüşüb: “Son vaxtlar sevgidən sınan qəlb mövzusunda mahnı oxumağı çox istəyirdim. Amma bu artıq əzab çəkən ürək deyil. Bu əsər yuxusuz gecələr və qarşılıqsız sevginin göz yaşlarından bəhs etmir”.  Mahnının musiqisi bəstəkar və prodüser İsa Məlikova, sözləri Grace James və Eldar Qasımova məxsusdur.

    Bu il Avropa və dünya hit-paradlarında böyük uğurlar qazanan rumıniyalı ulduzlar - DJ Layla və Dee Dee ilk dəfə olaraq martın 2-də Bakıda konsert proqramı ilə çıxış edəcəklər. Bunu konsertin təşkilatçısı Hüseyn Cavadzadə deyib. Onun sözlərinə görə, tədbir paytaxtımızda fəaliyyət göstərən klubların birində reallaşacaq. "Single Ladies" mahnısı ilə populyarlıq qazanan qrupun 2 saatlıq xüsusi proqramla çıxışı gözlənilir. Konsertin biletlərinin qiyməti 30-50-100 manat arasında olacaq.

    Rep ifaçıları MC Murad və Ramzes “Rəqs” adlı yeni duet hazırlayıblar. Bu barədə MC Murad özü məlumat verib. O, bildirib ki, ifa dərviş üslubunda olan replə sintez olunub. Mahnı satiradır. Rep ifaçısı onu da qeyd edib ki, trek yaxın günlərdə təqdim olunacaq.

   “Dəyirman” qrupunun keçmiş üzvü Miri Yusif yeni mahnısını təqdim edib. 14 fevrala özünə hədiyyə edən müğənni mahnını “Mən küləyəm” adlandırıb. Sosial şəbəkələrdə məşhurlaşan mahnı iki-gün ərzində “Youtube”-da 20000 dəfə izlənib.

 

Sahilə Aslanova

 

Muz-Tv.az