Tarkan heyranlarının “Sevgililər günü”nü təbrik etdi

Türkiyəli müğənni Tarkan heyranlarını internet vasitəsilə sevgililər günü münasibəti ilə təbrik edib və onlara hazırladığı sürprizini təqdim edib.

   Türkiyəli müğənni Tarkan heyranlarını internet vasitəsilə sevgililər günü münasibəti ilə təbrik edib və onlara hazırladığı sürprizini təqdim edib. İfaçı gitaranın müşayiəti ilə “İkimizin yerinə”, daha sonra “Beni anlama” adlı mahnılarını akustik şəkildə ifa edib. Ulduzun fanatları onun bu addımını sevinclə qarşılayıb.

   Rusiyalı “Diskoteka Avariya” qrupu və Zapaşnıe qardaşları “K.U.K.L.A” mahnısına çəkilən yeni kliplərini təqdim edib. Video çarxın çəkilişləri qardaşlarrın yeni il tamaşaları zamanı reallaşıb. Ekran əsərində sevgilisindən ayrılan bir qızın sirkdə çəhrayı gəlinciklə oynaması  əks olunub. Xatırladaq ki, “Zapaşnıe” şousunun soundtrekləri də “Diskoteka Avariya” qrupuna məxsusdur.

   Atasının vəfatından sonra çətin günlər keçirən müğənni Hande Yener psixoloji dəstək aldığını söyləyib. “Evdə nə televizor izlədim, nə də musiqi dinlədim. Çox əzab çəkirəm” –deyən sənətçi dəfndən 40 gün sonra səhnəyə çıxıb. Hande Yener fəaliyyətində fasilə verdiyi üçün tənqid olunamasına da münasibət bildirərək: “Əlbəttə ki, səhnəyə çıxmayacaqdım. Belə bir gücüm yox idi”-deyib. Atasından qalan xatirələr və şəkillərlə təsəlli tapdığını bildirən Yener sevənlərinin dəstəyi ilə yaxşı olacağını sözlərinə əlavə edib.

    Dünyaca məşhur kinorejissor Devid Finçer Castin Timberleykin altı ildən sonra ilk dəfə təqdim etdiyi “Suit & Tie” mahnısına klip çəkib. Süjet xəttinə görə, ifaçı səhnədə rəqqaslarla birlikdə çıxış edir. Ekran əsəri 60-cı illər kinosu stilində ağ-qara lentə alınıb. Timberleyk daha əvvəl musiqidən uzaqlaşaraq, filmə daha çox zaman ayırmaq istədiyini söyləsə də, bu ayrılıq uzun sürməyib. Bu ilin başlanğıcında müğənni səhnəyə geri dönməyə hazırlaşdığını elan edib. Xatırladaq ki, Devid Finçer “Döyüş klubu”, “Əjdaha döyməli qız” kimi məşhur filmlərin rejissorudur.

 

Sahilə Aslanova

 

Muz-Tv.az