Şou-biznes ulduzlarından maraqlı məlumatlar

Sevilən sənətçi, əməkdar artist Yaqub Zurufçu özünün “Facebook” səhifəsində oğlu Atilla ilə birgə şəkillərini paylaşıb. Fotlardan biri Atillanın adqoyma mərasimində çəkilib. 

   Sevilən sənətçi, əməkdar artist Yaqub Zurufçu özünün “Facebook” səhifəsində oğlu Atilla ilə birgə şəkillərini paylaşıb. Fotlardan biri Atillanın adqoyma mərasimində çəkilib. O, müğənninin ikinci həyat yoldaşından olan övladıdır. Qeyd edək ki, sənətkarın birinci evliliyindən Dəniz adlı qızı və Dalğa adlı oğlu var.

   Müğənni Nura Suri Facebook səhifəsindən yerli ulduzlarımızı tənqid atəşinə tutub.Onun bu statusu yazmasına səbəb isə bir neçə gün öncə keçirilən nüfuzlu musiqi mükafatı “Qremmi” ilə bağlıdır.  Nura bu yazısı ilə bərabər məşhurların mükafat alarkən çəkilən şəkillərini də paylaşıb. “Sonra da bizim şou-biznes nümayəndələri, həmkarlarım mənəm-mənəm deyir. Bu fotolara baxın və bir də mənəm-mənəm deməyin. Mən utanıram, sizi bilmirəm” –deyə Nura vurğulayıb.

   Xalq artisti Rafael Dadaşovun qızı, müğənni Səidə Dadaşova ən böyük arzusundan söz açıb. Açıqlama verən ifaçı bildirib ki, o, ana olmaq istəyir: “ Mənə elə gəlir ki, bu, hər bir qadının arzusudur. Bir gün mən də ana olaram. O günün xəyalıyla yaşarıyam. Birinci ailə həyatım uğursuz oldu. Ancaq bu, hər şeyin bitməsi demək deyil, ümidlə yaşamaq lazımdır” –deyə Səidə duyğularını sevənləri ilə bölüşüb.

 

Sahilə Aslanova

 

Muz-Tv.az