Yalçın Rzazadə: “Yerindən duran özünü dahi sayır”

Xalq artisti Yalçın Rzazadə özlərini əvəzolunmaz sənətkar və dahi adlandıran sənətçilərdən söz açıb. 

   Xalq artisti Yalçın Rzazadə özlərini əvəzolunmaz sənətkar və dahi adlandıran sənətçilərdən söz açıb. Ifaçı Azərbaycan musiqisində əsl sənətkarların az olduğunu deyib:  “Həqiqət budur ki, indi əsl sənətçi cox deyil. Yerindən duran özünü dahi sayır. Bu ədalətsizlikdir.Ömrümü Azərbaycan musiqisinə həsr etmişəm, ancaq özümə dahi demirəm. İndi vəziyyət çox fərqlidir. Məsələn, Elza Seyidcahan. O, fərqli janrda oxuyur.Yaxşı insandır. Ancaq oxuduqlarını hamı qəbul eləmir ”- deyə xalq artisti məsləni şərh edib.

    Xalq artisti Brilliant Dadaşova “Facebook” sosial şəbəkəsində fəallığını davam etdirir.
Müğənni hər gün yeni planlarını virtual dostları ilə paylaşır.  O, ötən gün yazdığı statusunda  pərəstişkarlarıyla görüşmək istədiyini bildirib: “Mən heç vaxt Bakıda kinoteatrda olmamışam. Bir gün sizinlə gedib kinoya baxarıq. Təbii ki, hər şeyi bizdən öyrənənlər o vaxta kimi ideyamızı oğurlamasalar”.

   Nüşabə Ələsgərli arıqlamağının sirrini açıqlayıb. Onun sözlərinə görə, pəhriz ona şəkisini azaltmaqda yardım edib.  "Düz 16 kq arıqlamışam. Çoxu buna inanmır. Mən özüm də çətinliklə inanıram. Bütün gün ərzində nadir hallarda, özü də az yeyirdim. Çoxlu su və təbii şirə içirdim. Bunlar mənim aclığımı azaldırdı. Sonda gözlədiyim nəticəni əldə etdim", - deyə o əlavə edib. 

    Müğənni Sevda Yahyayeva xəstəxanaya düşüb. Prodüseri Tolik ifaçının xəstəxanada çəkilən fotolarını sosial şəbəkədə paylaşıb.  Bu şəkillərin müğənninin yeni klipindən görüntülər olduğu düşünülsə də, prodüser deyilənləri təkzib edib: “Dünən Sevda özünü çox yaxşı hiss edirdi. Bu gün halı pisləşdi. İndi xəstəxanaya gətirmişik. Həkimlərdən cavab gözləyirik”.

 

 

Sahilə Aslanova

 

Muz-Tv.az