Şou-biznesdə baş verənlər

Məşhur azərbaycanlı ifaçı və bəstəkar Emin Ağalarov Sankt Peterburqda növbəti dəfə təşkil edilən “Big Love Show” konsertlərində iştirak edib. 

   Məşhur azərbaycanlı ifaçı və bəstəkar Emin Ağalarov Sankt Peterburqda növbəti dəfə təşkil edilən “Big Love Show” konsertlərində iştirak edib. Musiqiçinin rəsmi saytında Eminin “Avroviziya -2012” mahnı müsabiqəsində ifa etdiyi “Never Enough” əsərini oxuduğu bildirilib.

   Xalq artisti Zülfiyyə Xanbabayeva mətbuatda çox görünmək istəmədiyini bildirib: “Mətbuata çox çıxmağı xoşlamıram. Müsahibə verməyi sevmirəm. Belə bir məcburiyyət qarşısında qalanda isə həmsöhbətimi yola verirəm” –deyə Zülfiyyə xanım bildirib.  Xalq artisti açıqlamasından sonra prodüseri Nigarla birlikdə maşınına minərək ərazidən uzaqlaşıb.

   Əməkdar artist Eyyub Yaqubov həmkarı Abbas Bağırov haqqında fikirlərini bölüşüb: “7-8 il bundan qabaq səsini mənə oxşadırdı. Əvvəl məni yamsılayırdı. Abbas Elçin Cəlilovdan da bəhrələnib. Onda Azər Zeynalovdan da nəsə var. Heç kim özünə sənətkar deməsin. Sənəti anlayan, duyan hər bir kəsin sənətkara hörməti olmalıdır” -deyə müğənni iradlarını bildirib.

   Bu il aprelin 8-10 -da Moldovada keçiriləcək “WorldStar International Contest” müsabiqəsində Azərbaycanı  təmsil edəcək iştirakçının kimliyi məlum olub. 87  nəfər gəncin arasından 18 yaşlı Ena Kameliya seçilib. Bu barədə yarışmanın Azərbaycan milli seçimlərinin direktoru  Hüseyn Cavadzadə məlumat verib: " Bu il ölkəmizi təmsil edəcək Enanın həm səsi, həm də xarici görünüşü  bütün tələblərə cavab verir. Biz seçimimizdən razıyıq. Artıq yarışmaya hazırlıq prosesi gedir. Gələn ay müsabiqə mahnısını ictimaiyyətə təqdim edəcəyik" . Qeyd edək ki, festivalda 30 - dan çox ölkə iştirak edəcək.

 

Sahilə Aslanova

 

Muz-Tv.az