“Vicdan Haqqı”nın İmranı əməliyyat olundu - foto 

Son bir ildə ATV telekanalında yayımlanan “Vicdan Haqqı” serial ilə geniş tamaşaçı kütləsi qazanmış Akademik Milli Dram Teatrının aktyoru, əməkdar artist İlham Hüseynov əməliyyat olunub.

Muztv.az xəbər verir ki, bu barədə “Report”a aktyorun həkimi Cəfər Nəsirli məlumat verib.

O, İlham Hüseynovun vəziyyətinin yaxşı olduğunu vurğulayıb: 

“Əməliyyat uğurlu keçdi. Xəstə bu gün reanimasiyada olacaq, sabahdan isə palataya köçürüləcək”.

İlham Hüseynovun sənət yoldaşları ona xəstəxanada baş çəkiblər.

Onlar sosial şəbəkədə də paylaşımlarında həmkarlarının tez sağalmasını diləyiblər. 

“Vicdan Haqqı”nın Yusifi aktyor Kamran Yunis “Facebook” hesabında “Tez sağal sənətkar, sən Azərbaycan mədəniyyətinə lazımsan” şərhini yazıb. 

Qeyd edək ki, aktyor artroz xəstəliyindən əziyyət çəkir.