Murad Arif: "Çörəyim toydan çıxır"

Müğənni-bəstəkar Murad Arif sosial şəbəkədə gedəcəyi toyları qeyd etdiyi dəftərin fotosunu paylaşıb.

Muztv.az xəbər verir ki, müğənni televiziyanın təqdim etdiyi maaşdan gileylənərək bunları şərh edib:

"Çörəyim bunlardan çıxır. Bəzən öz özümə düşünürəm ki, bu ölkədə toy olmasaydı, musiqiçilər, ifaçılar, aparıcılar, aktyorlar, rəqqaslar, modelyerlər, bəstəkarlar, aranjimançılar, studiyalar, dərzilər, foto-videoqraflar, operatorlar necə dolanardı, necə yaşayardı? Televiziyaların, teatrların, radioların gülməli maaşları, kino-kliplərdən gələn qəpik-quruş qonorarlar və s. haqda susacağam. Gülməlidir ki, xalqın hər zaman ərki, gücü çatdığı, tənqid etdiyi, etiraz etdiyi adamlar da artistlərdir. Ailənizin ən gözəl günü, bayram üçün üz tutduğunuz adamlar da artistlərdir".

İnstaqram izləyiciləri bəstəkara haqq qazandırıb.