Əlikram Bayramov ikinci nəvəsini efirdə göstərdi

Əlikram Bayramov ikinci nəvəsini efirdə göstərdi
Müğənni Əlikram Bayramov 2-ci nəvəsini "Şou-məkan" verilişində göstərib.

Muztv.az xəbər verir ki, ifaçı Bilgəhdəki bağ evində dincəlir:

"Baloğlan Əşrəfov, Manaf Ağayev və başqa sənət dostlarım bağ evimdə qonaq olub. Dəniz yaxındadır, tez-tez gedirəm. Bir az da qaralmışam. Azərbaycan kimi dincəlməli yer yoxdur. Xarici ölkələrə getməyə ehtiyac da yoxdur. Gəz Azərbaycanı, gör nələr var. İnsanlardan qaçıb başqa ölkələrdə istirahət etməyə dəyməz. Cəmiyyət içində çox maraqlıdır"

Ə.Bayramov həyat yoldaşı ilə aralarında olan qısqanclıqdan söz açıb:

"Bizdə qısqanclıq kliplərlə bağlı olur. Müğənnilər var ki, heç klipdə xanımın əlindən tuta bilmir. Amma mənim kliplərimin hamısı açıq-saçıqdır. Xanımdır da, kiməsə üzük alırsan, hirslənir. "Haradan aldın, niyə aldın?" deyib əsəbiləşir. Qısqanclıq məsələsini həll etmişik. Amma bu yaxında böyük bir mövzu olacaq. Çox maraqlı bir klip gələcək. Sankt-Peterburqa səfərim olacaq, istəyirəm klipi orada çəkək".

Bayramov fevralın 27-də dünyaya gələn ikinci nəvəsi Fərəhi ilk dəfə efirdə göstərib:

"Bu bizim Fərəh balamızdır. Adını anası qoyub. İlk dəfədir ki, ikinci nəvəmi efirdə göstərirəm. Fərəh 2017-ci il fevralın 27-də dünyaya gəlib. 4 aydır, bu qız haqqında heç kim, heç bir məlumat bilmir. Babalarımız deyib ki, "Dövlətdə dəvə, övladda nəvə", doğrudan da, elə imiş. Onlarla yetərincə vaxt keçirirəm". 

Qeyd edək ki, Ə.Bayramovun Təmkin adlı bir oğul nəvəsi də var.