Şou-biznes nümayəndələrimizdən bolluca xəbər var

Əməkdar artist İlqar Muradov bu yaxınlarda dinləyicillərini yeni albomla sevindirəcək. Tezliklə işıq üzü görəcək bu musiqi toplusuna yalnız bəstəkar Sevda Məmmədlinin mahnıları daxil edilib. 

   Əməkdar artist İlqar Muradov bu yaxınlarda dinləyicillərini yeni albomla sevindirəcək. Tezliklə işıq üzü görəcək bu musiqi toplusuna yalnız bəstəkar Sevda Məmmədlinin mahnıları daxil edilib. Əsərlərin sözləri isə Zəlimxan Yaquba məxsusdur. Müğənni: "Bu albomda cəmi 8 mahnı var. Amma inanın mənə, oradakı musiqilərin hamısı bir-birindən gözəldir", - deyə əlavə edib.

   Nadir Qafarzadə "Pardon" mahnısına çəkilən video çarxa xeyli pul xərcləmək qərarına gəlib.   Müğənni sərf etdiyi pullara görə heyfslənmir.  Klip Moskvanın əsasən, varlılar yaşayan "Rublyovka" qəsəbəsində çəkilib.  "10 saatlıq villa kirayələməli olduq və bunun üçün 5 min dollar ödədim. Ümumillikdə bütün klip 25 min dollara başa gəldi. Rejissor Yakov Plotkindir”, - deyə o əlavə edib.

   Xalq artisti Nazpəri Dostəliyeva İlhamə Quliyevanın şikayəti əsasında Baş Mütəşəkkilliklə Mübarizə İdarəsinə dəvət edilib. Müğənni bununla bağlı: “Mən nə heç bir kütləvi informasiya vasitələrində, nə də hər hansı başqa yerdə İlhamə Quliyevanın adını çəkməmişəm, onun barəsində hər hansı bir fikir söyləməmişəm. Bilmək istəyirəm ki, hansı əsaslarla İlhamə Quliyeva məni və digər xalq artistlərini təhdid edir” -deyərək açıqlama verib. Təbii ki bu açıqlamaya İlhamə xanımın etinasiz qalmayıb.Primadonna: "Ağ yalandır, həqiqətə uyğun gəlməyən açıqlamadır. Bu barədə yaxın günlərdə mətbuata geniş açıqlama verəcəyəm". -deyərək cavab verib.

   Hazırda İstanbulda olan müğənni Rəqsanə yeni albomuna daxil olacaq mahnıları yazdırmaqla məşğuldur. Aranjemançı Özgür Arkunla işbirliyindən ağızdolusu danışan ifaçı əməkdar artist Zaur Əmiraslanovdan duet oxumaq təklifi alıb. Dəvəti sevə-sevə qəbul edən Rəqsanə həmkarına məhz albomuna daxil olacaq mahnılardan birini onunla duet oxuya biləcəyini bildirib və Zaura İstanbula gəlməsini təklif edib.

   Dünyaca məşhur “Belly Dance” oriental festivalı bu il doğma Bakımızda keçiriləcək. Müasir və sosial rəqs assosiasiyasının prezidenti Əziz Əzizovun sözlərinə görə, bu, ilk müsabiqədir ki, belə yüksək səviyyədə keçiriləcək. Mərasimə bütün Avropa ölkələrindən rəqqaslar qatılacaq və oriental rəqsi 9 nominasiyada göstərəcək. Onu da qeyd edək ki, müsabiqədə İtalya və Avropa ölkələrindən münsiflər heyəti də iştirak edəcək.

 

Səma Ələsgərova

 

Muz-Tv.az