İbrahim Tatlıses: “Müslüm Gursəs bir həftə əvvəl vəfat edib”

Amerikalı rejissor və senarist Stiven Spilberq fransız imperator Napoleon haqqında mini-serial çəkməyə hazırlaşır. Ekran əsəri Stenli Kubrikin ssenarisi əsasında lentə alınacaq. 

    Amerikalı rejissor və senarist Stiven Spilberq fransız imperator Napoleon haqqında mini-serial çəkməyə hazırlaşır. Ekran əsəri Stenli Kubrikin ssenarisi əsasında lentə alınacaq. “Hazırda mən 1961-ci ildə yazılan bu ssenarinin təkmilləşdirilməsi ilə məşğulam. Layihə üzərində Kubrikin ailəsi ilə birgə çalışırıq” – deyə Spilberq müsahibəsində bildirib. Serialın çıxış tarixi hələ açıqlanmır. Qeyd edək ki, rejissor Kubrikin ssenarilərinə ilk dəfə müraciət etmir. Bundan əvvəl Stiven Spilberq məşhur rejissorun ssenarisi əsasında “Süni şüur” filmini çəkib.

   Məşhur müğənni Sərdar Ortaç Şimali Kiprdəki otellərin birində möhtəşəm konsertlə səhnə alıb. Ulduzu həmişəki kimi irlandiyalı sevgilisi Xloe də izləyib. Pop ulduzu böyük heyranlıqla dinləyən gözəl xanımın sol əlinə taxdığı 5 daşlı brilyant üzük hər kəsin diqqətini çəkib. Üzüyünü Xloeyə Ortaç tərəfindən nişan hədiyyə olaraq alındığı və dəyərinin 50 min dollar olduğu öyrənilib. Xatırladaq ki, sevgilisi ilə aralarında 22 yaş fərq olduğunu söyləyən müğənni  gənc görünmək üçün əlindən gələni etdiyini vurğulayıb.

   İngilis “Elle” jurnalı üçün kamera qarşısına keçən müğənni Rihanna qısa müddət əvvəl dəblə maraqlanmağa başlayıb. O, dizayn etdiyi geyimləri yavaş-yavaş satışa çıxarır. Istedadlı ulduz “River İsland” adlandırdığı kolleksiyasından sonra rəngarəngliyi ilə göz oxşayan xüsusi makiyaj markası da yaradıb. Rihanna verdiyi müsahibələrin birində “Rənglərlə oynayarkən çox əylənirəm” –deyib. Məhsulların rəsmi tanıtımının mayda Nyu Yorkda reallaşacağı bildirilir.

   Türkiyənin tanınmış sənətçisi Müslüm Gürsəsin vəfatından sonra həmkarı İbrahim Tatlıses şok açıqlama verib. Sənətçi Müslüm Gürsəsin əslində bir həftə əvvəl öldüyünü bildirib: “Senari xəstəxananın planladığı kimi getdi. Baba onsuz da bir həftə öncə vəfat etmişdi. Menecerinin də, mənim də xəbərim vardı. Hətta xəstəxanada bir həkim mənim yaxınlarımdan birinə Müslümün öldüyünü, lakin ailəsinin bilməməsi üçün cihaza bağladıqlarını bildirib. Bunu səhiyyə naziri, eləcə də Sezen Aksu və Hülya Avşarla bölüşmüşdüm. O, ürək və ağciyər çatışmazlığından deyil, reanimasiyada virusa yoluxduğu üçün öldü. Dünən səhiyyə nazirinə babanın bir həftədir öldüyünü, xəstəxana rəhbərliyinin isə sabah açıqlama yayacağını bildirmişdim. Dediyim kimi də oldu”.  Qeyd edək ki, Müslüm Gürsəsin meneceri Tatlısəsin açıqlamasının yalan olduğunu bildirib.

 

Sahilə Aslanova

 

Muz-Tv.az