Xalq Rəssamı Tokay Məmmədovun 90 illik yubileyi qeyd edilib
İyulun 17-də Nizami Kino Mərkəzində görkəmli heykəltəraş, xalq rəssamı, Dövlət mükafatı laureatı Tokay Məmmədovun anadan olmasının 90 illik yubileyi qeyd edilib.
Muztv.az Azərtac-a istinadən xəbər verir ki, Mədəniyyət və Turizm Nazirliyinin təşkilatçılığı ilə keçirilən tədbirdə dövlət və hökumət rəsmiləri, tanınmış elm, mədəniyyət və incəsənət xadimləri iştirak ediblər. Əvvəlcə qonaqlar sənətkarın həyat və yaradıcılığından bəhs edən sənədli filmə baxıblar.
Tədbirdə çıxış edən mədəniyyət və turizm naziri Əbülfəs Qarayev görkəmli sənətkarın yaradıcılığından söz açıb.
Görkəmli sənətkarı 90 illik yubileyi münasibətilə təbrik edən nazir ona yaradıcılıq uğurları arzulayıb. Sonra Ə.Qarayev yubilyara Prezident İlham Əliyevin və birinci xanım Mehriban Əliyevanın təbriklərini çatdıraraq, ona “Azərbaycan Respublikası Prezidentinin fəxri diplomu”nu təqdim edib.
Azərbaycan Rəssamlar İttifaqının sədri, xalq rəssamı Fərhad Xəlilov sənətkarın yaradıcılığı haqqında fikirlərini bölüşüb. Qeyd edib ki, heykəltəraşın yaradıcılığı monumental əsərlərlə zəngindir. Hazırda 90 yaşlı sənətkar Azərbaycan Dövlət Rəssamlıq Akademiyasında gənc heykəltəraşların yetişməsində böyük xidmətlər göstərir. Sonra F.Xəlilov yubilyarı rəhbəri olduğu qurumun adından təbrik edib.
T.Məmmədov bir neçə qəbirüstü abidənin də müəllifidir. Şuşa şəhərində musiqiçi alim, xəttat və rəssam Mirmöhsün Nəvvabın, Azərbaycan vokal məktəbinin banisi Bülbülün qəbirüstü abidələrini T.Məmmədov yaradıb.
Çıxışlarda sənətkarın yaradıcılığının xüsusiyyətlərindən danışılıb, yaratdığı hər bir əsəri ilə tarix yazdığı qeyd edilib.
Muztv.az Azərtac-a istinadən xəbər verir ki, Mədəniyyət və Turizm Nazirliyinin təşkilatçılığı ilə keçirilən tədbirdə dövlət və hökumət rəsmiləri, tanınmış elm, mədəniyyət və incəsənət xadimləri iştirak ediblər. Əvvəlcə qonaqlar sənətkarın həyat və yaradıcılığından bəhs edən sənədli filmə baxıblar.
Tədbirdə çıxış edən mədəniyyət və turizm naziri Əbülfəs Qarayev görkəmli sənətkarın yaradıcılığından söz açıb.
Görkəmli sənətkarı 90 illik yubileyi münasibətilə təbrik edən nazir ona yaradıcılıq uğurları arzulayıb. Sonra Ə.Qarayev yubilyara Prezident İlham Əliyevin və birinci xanım Mehriban Əliyevanın təbriklərini çatdıraraq, ona “Azərbaycan Respublikası Prezidentinin fəxri diplomu”nu təqdim edib.
Azərbaycan Rəssamlar İttifaqının sədri, xalq rəssamı Fərhad Xəlilov sənətkarın yaradıcılığı haqqında fikirlərini bölüşüb. Qeyd edib ki, heykəltəraşın yaradıcılığı monumental əsərlərlə zəngindir. Hazırda 90 yaşlı sənətkar Azərbaycan Dövlət Rəssamlıq Akademiyasında gənc heykəltəraşların yetişməsində böyük xidmətlər göstərir. Sonra F.Xəlilov yubilyarı rəhbəri olduğu qurumun adından təbrik edib.
T.Məmmədov bir neçə qəbirüstü abidənin də müəllifidir. Şuşa şəhərində musiqiçi alim, xəttat və rəssam Mirmöhsün Nəvvabın, Azərbaycan vokal məktəbinin banisi Bülbülün qəbirüstü abidələrini T.Məmmədov yaradıb.
Çıxışlarda sənətkarın yaradıcılığının xüsusiyyətlərindən danışılıb, yaratdığı hər bir əsəri ilə tarix yazdığı qeyd edilib.