Sevda Ələkbərzadədən qeyri-adi layihə

Tədbirlərdən birində qarşımıza çıxan əməkdar artist Sevda Ələkbərzadə yaradıcılığındakı yeniliklərdən bəhs edib.

    Tədbirlərdən birində qarşımıza çıxan əməkdar artist Sevda Ələkbərzadə yaradıcılığındakı yeniliklərdən bəhs edib. Artıq üç ildir üzərində çalışdığı layihə barədə danışan ifaçı təqdim etməyə hazırlaşdığı yeni albomunun nəinki vətənimizdə, hətta xaricdə də səs-küy doğuracağına əmindir.

    Müğənni musiqi toplusuna daxil olacaq əsərlərdən də bəhs etməyi unutmayıb. Bu dəfə improvizasiyalarla yanaşı yeni mahnılara da yer verəcəyini vurğulayan Sevda xanım sözügedən albomun bu günədək olan bütün işlərindən tamamilə fərqlənəcəyini sözlərinə əlavə edib.

     Sənətçi xalq artisti İlhamə Quliyeva ilə birgə ifa edəcəkləri mahnı haqqında da danışıb. Bəstəkar Fikrət Əmirovun “Mən səni araram” əsərini duet şəklində səsləndirməyə hazırlaşan cütlük sözügedən kompozisiyaya klip də çəkdirməyə hazırlaşır.

     Elə yeri gəlmişkən, Sevda xanım İlhamə Quliyevanın səsləndirdiyi  əsərlərin gənc müğənnilər tərəfindən ifasına qadağa qoymasına da münasibət bildirib. Əməkdar artist tezliklə musiqisevərləri yeni konsert proqramı ilə sevindirəcəyini də sözlərinə əlavə edib.

 

Sahilə Aslanova

Ramal Gülməmmədov

 

Muz-Tv.az