Rihanna sənətdən uzaqlaşır
Məşhur müğənni Rihanna çıxdığı "Diamonds" dünya turundan sonra musiqiyə bir il ara verəcəyini açıqlayıb.
Məşhur müğənni Rihanna çıxdığı "Diamonds" dünya turundan sonra musiqiyə bir il ara verəcəyini açıqlayıb. Pop-ulduz səkkizinci albomunu buraxmazdan öncə, bir müddət dincəlmək istədiyini söyləyib.
Amerika prezidenti Barak Obamanın həyat yoldaşı Mişel Obama 50-ci doğum günü mərasimində Adel və Beyonsun mahnı söyləməsini istəyib. Xanım Obama bir il sonra reallaşacaq bu özəl gününün hazırlıqlarına indidən başlayıb. Qərb mətbuatının məlumatına görə, Adel artıq ona edilən təklifi qəbul edib və sevilən mahnılarını Birinci xanım üçün səsləndirəcəyini söyləyib. Beyons Mişel Obamanın bu ilki doğum gününü “Bizim üçün etdiyin hər şeyə görə təşəkkürlər. qızım belə bir dünyada böyüdüyünə görə çox qürur duyuram” – ismarıcı ilə qeyd edib.
Türkiyəli müğənni Ebru Gündeş uzun fasilədən sonra İzmirdə konsert proqramı ilə çıxış edib. Şəhərin beş ulduzlu otellərindən birində səhnəyə çıxan sənətçini təqribən 1200 insan izləyib. Tamaşaçıların sevgisindən xeyli məmnun olduğunu söyləyən Gündeş alqışlar qarşısında göz yaşlarını saxlaya bilməyib. tezliklə yenidən İzmirdə konsert vermək istədiyini bildirən müğənni: “Məni çox xoşbəxt etdiniz. Sənətimin və ona verdiyim əməyin qarşılığını bu şəkildə ala bildiyimə görə minnətdaram” –deyərək izmirlilərə təşəkkür edib.
Hollivudun iki ulduzu- Demi Mur və Eşton Katçer arasında hələ də boşanma prosesi davam edir. Belə ki, məşhur cütlüyün iki il əvvəl ayrılmasına baxmayaraq, Demi Mur boşanma ərizəsində Eşton Katçerdən 290 milyon tələb edib. Katçerin var-dövləti isə 137 milyon dollardır. Bu, onların boşanmasına mane olur. Demi Mur bildirib ki, keçmiş əri onun sayəsində məşhurlaşdığı üçün pulu ona verməlidir. Amma 35 yaşlı Eşton həqiqətən də həyat yoldaşının sayəsində məşhurlaşsa da, bunun üçün ona pul ödəməli olmadığını bildirib. Hazırda boşanma prosesi davam edir. Eşton Katçer bildirib ki, boşanan kimi aktrisa Mila Kunislə evlənəcək.
Məşhur aktyor Bred Pitt yeni imiciylə diqqət çəkib. Bir həftə Parisdə ən yaxşı mebel mağazalarını gəzib Hollivuda qayıdan ulduz Los Anceles aeroportunda görüntülənib. Bred qara geyimi ilə diqqət çəkib. Saçını arxadan toplayan 49 yaşlı aktyor yorğun görünüb. İsti havaya baxmayaraq onun əynində qara yüngül kurtka olub. Xatırladaq ki, aktyor və xanımı Ancelina Coli bu yaxınlarda özlərinin istehsal etdikləri Miraval adlı şərabı satışa təqdim ediblər. İlk 6000 butulka şərab biri 139 dollardan həmin anda satılıb.
Amerikalı R&B müğənnisi Meray Kerri “Almost home” mahnısına çəkilən yeni klipini təqdim edib. Kompozisiya “Oz: Böyük və qüdrətli” fantastik filminin sountreki seçilib. Video çarxda filmdən səhnələr, həmçinin müğənninin ağ-qara kardları yer alıb. Qeyd edək ki, Meray Kerri yeni albomu üzərində çalışdığını da bildirib. Ulduz yeni layihəsi haqqında bütün xırdalıqları gizlətdiyini də qeyd edib.
Sahilə Aslanova
Muz-TV.az