Ledi Qaqa evlənir

Amerikalı pop-ulduz Ledi Qaqa ilə uzun zamandır birlikdə olduğu sevgilisi Teylor Kinninin yay aylarında evlənəcəkləri iddia edilir. 

    Amerikalı pop-ulduz Ledi Qaqa ilə uzun zamandır birlikdə olduğu sevgilisi Teylor Kinninin yay aylarında evlənəcəkləri iddia edilir. Cütlüyün münasibətləri 2011-ci ilin sentyabrında başlayıb. Qaqanın yaxın  dostlarından biri sevgililərin əlaqələrini növbəti mərhələyə daşımaq üçün səbirsizləndiklərini söyləyib. Keçən həftələrdə dizindəki nasazlıq səbəbi ilə konsertlərini təxirə salan Qaqa hər fürsətdə Kinninin Çikaqoda yaşadığı villaya gedir. Xatırladaq ki, cütlük “You and IA” klipinin çəkilişləri zamanı tanış olub.

    “ABBA” qrupunun keçmiş üzvü, 62 yaşlı Aqneta Feltskoq mayda yeni albomunu təqdim etməyə hazırlaşır.  Müğənni musiqi toplusunu britaniyalı ifaçı Qeri Barlou ilə birgə hazırlayıb. “Aqnetanın bu yeni işi musiqi dünyasında böyük səs-küyə səbəb olmayacaq, amma tərkibinə daxil edilən mahnılar çox ürəkaçandır” –deyə BBC kanalında bildirilib. Felstoqun albomundakı ilk trek “Sən həqiqətən birini  sevəndə” adlanır və artıq bazar ertəsindən radiolarda səslənir. Qeyd edək ki, tezliklə təqdim olunacaq musiqi toplusu “A” adlanacaq.

     Türkiyəli müğənni Fərhat Göçer yüzlərlə qonağın və heyranının qatıldığı möhtəşəm bir konsertə imza atıb. Geniş repertuarındakı mahnıları bir-birinin ardınca səsləndirən ifaçını sevgilisi Ömür Gedik də tək buraxmayıb. Sevgilisini ən öndən izləyən xanım jurnalistlərdən qaçmayaraq suallara da cavab verib. Fərhat Göçer isə öz növbəsində 1 saatdan çox konsert verməyin mümkün olmadığını, amma buna baxmayaraq, həyatında ilk dəfə 3 saat səhnədə qaldığını bildirib.

    Ceniffer Lopezin keçmiş həyat yoldaşı Mark Entoni deyəsən xəyallarındakı qızı tapıb. Uzun axtarışlardan sonra o “Top Shop” markasının sahibinin 22 yaşlı qızı Hloye Qrini sevib. Onların münasibətləri o qədər ciddidir ki, Mark onu Ceniffer Lopezlə nikahından olan uşaqları ilə tanış edib. Bu isə məşhur ulduzun o qədər də xoşuna gəlməyib. O biləndə ki, cütlük balaca Maks və Emmanın gözləri önündə öpüşüblər, möhkəm qəzəblənib. Deyilənlərə görə, J-Lo həm də Entoninin sevgilisi ondan iki dəfə balaca olmasına hirslənir. Xatırladaq ki, Cenifferin özü də sevgilisi Kasper Smartdan 18 yaş böyükdür. 

     Pop ulduz Hadisə nüfuzlu jurnallardan biri üçün fotosessiya keçirib. Bu günlərdə ifaçı çəkiliş meydançasından ən maraqlı şəkilləri öz şəxsi internet səhifəsində yayımlayıb.

 

Sahilə Aslanova

 

Muz-Tv.az