Aygün Kazımova duet ortağını dəyişdi

Xalq artisti Aygün Kazimova Snoop Doggdan sonra bu dəfə də tanınmış türk müğənnisi Adil Karaca ilə duet oxuyacaq. 

   Xalq artisti Aygün Kazimova Snoop Doggdan sonra bu dəfə də tanınmış türk müğənnisi Adil Karaca ilə duet oxuyacaq. Ifaçının sözlərinə görə, gələn ay Türkiyədə “Cazın senin olsun, bana sazınla gel” adlı mahnıya çəkiləcək klipdə Aygün Kazımova da iştirak edəcək.

   Əməkdar artist Tünzalə Ağayeva özünə yeni duet ortağı tapıb. Müğənni İsmayıl Ömərovun nəvəsi Ömərlə duet oxuyub. Xatırladaq ki , Ömər Sultanov “Junior Eurovision – 2012” müsabiqəsində Azərbaycanı təmsil etmişdi. Cütlük Tünzalə xanımın son vaxtlar hitə çevrilən “Novruz” bəstəsini oxuyub.

   Martın 18-i Park Cinema və digər kinoteatrlarda Planet Parni iz Baku studiyasının çəkdiyi “Ögey ata” filminin premyerası keçiriləcək. Komediyanın rejissoru Vüqar Cəbrayılovdur. Filmin ssenaristi və baş rolun ifaçısı məşhur aktyor Fərda Xudaverdiyevdir. Bu yeni ekran əsərinin prodüserləri Tahir və Cabir İmanovlar və Emin Məmmədovdur. Filmdə yerli aktyorlarla yanaşı türkiyəli İlhan Özbəy də iştirak edib.

   2013-cü ilin martın 9-19-da Bakı şəhərində III Beynəlxalq Muğam Festivalı keçirilir. Festivalda bir çox ölkələrin incəsənət nümayəndələri və musiqişünasları iştirak edirlər. III Beynəlxalq “MUĞAM ALƏMI” Elmi Simpoziumun açılış mərasimi Milli Azərbaycan Tarixi Muzeyinin “Şərq zalında” reallaşıb. Simpoziumun açılışında akademik Akif Əlizadə, Azərbaycan Respublikasının təhsil naziri Misir Mərdanov, mədəniyyət və turizm nazirinin müavini Ədalət Vəliyev, Bəstəkarlar İttifaqının sədri Firəngiz Əlizadə, Beynəlxalq Şuranın nümayəndəsi  Jan Dürinq çıxış ediblər.

 

Səma Ələsgərova

 

Muz-Tv.az