Rəhim Rəhimli: “2013-cü ildə ailə quracağam”

Son zamanlar şou-biznesdə subayların azaldığını görən Rəhim Rəhimli də ailə qurmaq qərarına gəlib. Ifaçını  bu addımı atmağa vadar edən səbəblər də var. 

     Son zamanlar şou-biznesdə subayların azaldığını görən Rəhim Rəhimli də ailə qurmaq qərarına gəlib. Ifaçını  bu addımı atmağa vadar edən səbəblər də var. Müğənni: "Ətrafına kömək edirsən, qohum-qardaşa əl tutursan, bir də onda gözünü açırsan ki, ömür arxada qalıb, hələ də evlənməmisən. Buna görə də qərara gəlmişəm ki, mən də subaylığın daşını atım, ev-eşik sahibi olum. 2013-cü ildə ailə quracağam”-deyə Rəhim bildirib. 

    Gənc müğənni Cavidan Novruz yeni klip çəkdirir. Sözləri Leyliyə, musiqisi ifaçının özünə aid olan “Yaşandı bitdi” adlanan mahnını  ekranlaşdırmaq üçün Cavidan Bakının tanınmış məkanlarını seçib.

    Müğənni Nura Suri solo konsert vermək fikrinə düşüb.Martın 16-sı şəhərimizin əyləncə mərkəzlərinin birində reallaşacaq bu tədbir Novruz bayramına həsr olunub. İfaçı: "Bir saatlıq çıxışım nəzərdə tutulub.Konsertdə ikinci və üçüncü albomumda yer alan mahnılar ifa olunacaq. İnanıram ki, səslənilən əsərlər tamaşaçıların könlünü oxşayacaq”-deyə öz fikirlərini bildirib. Müğənninin mətbuat katibinin verdiyi məlumata görə, konsertə giriş sərbəstdir. 

    Azərbaycan estradasının bəstəkar-müğənnisi Ramal İsrafilovdan xəbər var. İfaçı tezliklə fərqli imicdə sevənlərinin qarşısına çıxacaq. Şəxsi Facebook səhifəsində yeni görüntüsünü paylaşan Ramal saş düzümündə dəyişiklik edib.

    Müğənni Niyam Salami yeni klipinin çəkilişlərinə başlayıb. Musiqisi Sərxan Sərxana aid olan "Ay gecikən məhəbbətim" mahnısının çəkiliş prosesi davam edir.  Müğənninin bildirdiyinə görə, kompozisiya onun ifasında sevildiyi üçün bu addımı atıb. Klipi  rejissor Anar Hüseynov lentə alır.

 

Səma Ələsgərova

 

Muz-Tv.az