Castin Timberleyk 6 ildən sonra yeni albomunu təqdim etdi

Məşhur ulduz Castin Timberleyk 6 ildən sonra yeni albom çıxardı. Yanvar ayında sinqlını təqdim edən müğənni artıq solo karyerasını yenidən bərpa etdiyini söyləyib.

   Məşhur ulduz Castin Timberleyk 6 ildən sonra yeni albom çıxardı. Yanvar ayında sinqlını təqdim edən müğənni artıq solo karyerasını yenidən bərpa etdiyini söyləyib.  Sosial media  vasitəsi ilə tez-tez studiyada çəkilən şəkillərini paylaşan ulduz nəhayət işini bitirib. Albomun musiqi marketlərində martın 19-da yer alacağı bildirilir. “The 20/20 Experience” adını daşıyan musiqi toplusunda 10 mahnı  olacaq.

    Ingiltərədə yayımlanan “AnOther” jurnalı üçün hindu obrazında şəkillər çəkdirən amerikalı aktrisa Mişel Uilyams irqçilikdə günahlandırlır. Redaksiyaya zəng edən bir çox insan üz qabığının dəyişdirilməsini istəyib. Keçən il “Victoria`s secret” dəfiləsində hindu geyimi ilə podium çıxan model Karli Klos da etiraza səbəb olduğuna görə üzr istəmək məcburiyyətində qalmışdı.

    Hollivud ulduzu Cennifer Enistonla nişanlısı Castin Seroksun toyu hələ də reallaşa bilmir. Cütlük haqqında hər gün bir xəbər çıxır.  Son olaraq cütlüyün Havaidə evlənəcəyi açıqlansa da Enistonun meneceri mətbuata göndərdiyi açıqlaması ilə bu xəbəri yalanlamışdı.  Məşhur brendlərdən birinin gəlinliyi ilə evlənməyə hazırlaşan Eniston çox həyəcanlı olduğu bildirilir.  Ancaq mərasimin keçiriləcəyi yer və tarix haqqında heç bir məlumat verilmir.

    Müğənni Selena Gomezin “Rule the World” adlı yeni mahnısı internetdə yayımlanıb. Məlumata görə, kompozisiya ulduzun dördüncü albomunun çıxış treki olmayacaq. Əsərdə iki gənc adamın ayrılığından bəhs edilir. Bir çox bloggerlər mahnının Selenanın Castin Biberə ismarıcı olduğunu iddia edir. Kompozisiyanın mətnində “Bizim sevgimiz dünyanı idarə edə bilərdi. Sənsə gəlib ideal qızın ürəyini sındırdın” -misraları yer alır.

    Kelli Rouland “Kisses Down Low” adlı mahnısına çəkilən yeni klipini təqdim edib. Video çarx ulduzun sayca dördüncü olan “Talk a Good Game” adlı  albomuna dəstək xarakteri daşıyır. Ekran əsərinin rejissoru Kolin Tillidir. “Kisses Down Low” mahnısı artıq amerikan “R&B/Hip-Hop Songs” çartında ilk 40-lığa daxil edilib. “Çox həyəcanlıyam. Klipdə mən dəcəl, şən qadın obrazı canlandırmışam. Mahnının bütün anlamını rəngli tonlarla tamaşaçılarqa çatdırmağa çalışdıq” –deyə Kelli hisslərini ifadə edib.

    Rusiyanın məşhur “Na-Na” qrupu “Dışu ya” mahnısına çəkilən yeni klipini təqdim edib.  Video çarx insanların öz talelərini idarə etmədiklərindən bəhs edilir.  Ekran əsərində dünya böyük kolba şəklində təsvir olunur. Klip  kollektivin pərəstişkarları tərəfindən yüksək qiymətləndirilib.

 

Sahilə Aslanova

 

Muz-Tv.az