Çingiz Mustafayev: "Bəli, aşiq olmuşam" - video

Gitara ifaçısı, müğənni Çingiz Mustafayev təbiətdən təsirlənərək "Qayıtmaq istəmirəm" adlı yeni mahnı yazıb.

Muztv.az xəbər verir ki, ifaçının yeni bəstəsi artıq onun şəxsi "Youtube" kanalına yerləşdirilib. 

Çingiz İnstaqram hesabında paylaşım edərək mahnının ərsəyə gəlməsindən bəhs edib: 

"Bəli, aşiq olmuşam. O qədər gözəl və o qədər həyat doludur ki, ifadə etməyə sözlər yetmir. Səninlə gecə ayın və ulduzların bərq vuruşunu, gündüzlər isə üfüqdən yenicə qalxan günəşin çıxışını izlədim. Quşların cəh-cəhi, çayın, şəlalənin səsi, ciyərlərimə çəkdiyim şüşə kimi havası. Sevirəm səni, ey gözəl təbiət! Sən məni özünə elə heyran qoydun, sehirlədin ki, sənə vuruldum, sənin bu gözəlliyinə elə sənin qoynundaca mahnı yazdım. Bəli, dostlar, təbiətin qoynunda gəzintidə olarkən başqa bir həyatın şahidi olmaq və onu seyr etmək mükəmməl bir həzz idi. O canlı aləmdən bu canlı dünyaya heç qayıtmaq istəmirdim. Ağaclar bizə həyat verir, kim deyir ki cansızdırlar? Elə bilirsiz, onların hissiyyatı yoxdur? Bu haqda duyğularımı, hisslərimi, heyranlığımı yeni yazdığım mahnıda əks etdirdim. Söz və musiqisi özümə aid "Qayıtmaq istəmirəm" adlı mahnım Artıq "youtube"da. Gəlin bu sevgimə birgə qulaq şahidliyi edin".