Müğənni Araşdan gözlənilməz təklif

Səhnəmizin Rüstəm bəyinin 116 yaşı tamam olur. Milli teatrımızın inkişafı yolunda sənət fədailərindən olan, teatrı varlığından artıq sevən, obrazlar qalereyası yaradan Ağasadıq...

   Səhnəmizin Rüstəm bəyinin 116 yaşı tamam olur. Milli teatrımızın inkişafı yolunda sənət fədailərindən olan, teatrı varlığından artıq sevən, obrazlar qalereyası yaradan Ağasadıq Gəraybəyli 1897-ci il martın 15-də Şamaxıda anadan olub. Milli teatrımızın klassiklərindən sayılan Ağasadıq Gəraybəyli 200 müxtəlif rolda səhnəyə çıxıb. O, Nəriman Nərimanovun “Nadir şah”, Üzeyir Hacıbəyovun “Arşın mal alan”, Cəfər Cabbarlının “Sevil”, “Od gəlini” və s. filmlərdə və tamaşalarda obrazlar yaratmaqla adını teatr tarixinə qızıl hərflərlə yazdırıb. 90 il yaşayan Ağasadıq Gəraybəyli ömrünün sonlarını gözdən əlil şəklində keçirib. Amma oynadığı rollarda bunu tamaşaçılara bildirməyib. Ağasadıq Gəraybəyli təvazökar insan, nümunəvi ailə başçısı olub. 1933-cü ildən ömrünün son gününə qədər Azərbaycan Dövlət Akademik Dram Teatrında çalışıb, alqışlarla qarşılanan səhnə xadimlərindən biri olub.

   “Aypara” instrumental triosu dünya şöhrətli müğənni Araşdan təklif alıb.Trionun üzvlərindən biri, kamança ifaçısı Pərviz Fərhadovun  verdiyiaçıqlamaya əsasən, bir müddət əvvəl ifa etdikləri “Bora bora”nın müəllifi Araş onlarla birgə mahnını oxumaq istədiyini bildirib. Perviz:“Beynəlxalq festivallardan birində Araşın “Bora bora” mahnısını oxumuşduq. Daha sonra onu lentə almaq qərarına gəldik və mahnıya klip də çəkdirdik. Düzdür, biz onun mahnısını icazə almadan ifa etmişik. Amma eşitmişik ki, müğənni bizim ifamızı çox bəyənib. Araş dünya şöhrətli müğənnidir və onunla birgə çıxış etmək yaxşı olardı”-deyə sözlərinə əlavə edib.Qeyd edək ki, “Aypara” instrumental triosu - kamança ifaçısı Pərviz Fərhadov, tarzən Ədalət Behbudov, nağara ifaçısı Əlipaşa Talıbov yaxın zamanlarda instrumental musiqilərin müşayiəti ilə “Kapellhaus”da konsert verəcəklər.

   Bayram günlərində Brilliant Dadaşova da konsert proqramıyla çıxış edib. iki hissəli konsertdə xalq artisti “Azərbaycanım”, “Xalqımın günləri”, “Novruzum”, “Ay qız kimin qızısan”, “Güldür məni” kimi sevilən mahnılarını ifa edib. Telekonsert Novruz bayramı günlərində nümayiş ediləcək.  Tədbirin birinci hissəsi “Aləm gözəl”, ikinci hissəsi isə “Xalqımın günləri” adlanır. Konsertin quruluşçu rejissoru Etibar Babayev, rejissoru Elnur Məmmədovdur. 

   Bəstəkar və repçi MC Murad özünün yeni mahnısına çəkdirdiyi klipini təqdim edib. “Sən, sanki mən” adlanan mahnıya Fərhad Əli ekran həyatı verib.

 

Səma Ələsgərova

 

Muz-Tv.az