Azərbaycan caz musiqisinin banisi Vaqif Mustafazadənin doğum günüdür

Azərbaycan caz musiqisinin banisi və yeni caz fikrinin təsisçisi, bəstəkar Vaqif Mustafazadənin doğum günüdür.

    Azərbaycan caz musiqisinin banisi və yeni caz fikrinin təsisçisi, bəstəkar Vaqif Mustafazadənin doğum günüdür.  Sənətkar 1940-cı il martın 16-da İçəri şəhərdə dünyaya gəlib. 1963-cü ildə Asəf  Zeynallı adına Bakı Musiqi Kollecini bitirərək Bakı Musiqi Akademiyasına daxil olub. Elə ona İlk məşhurluq da bu zaman gəlir. Vaqif  bəy burada kiçik konsertlər verir, klublarda çıxış edir. O əsasən klassik caz, bluz və oynaq mahnılar səsləndirir.

   1964-cü ildən "Orero" ansamblına, "Qafqaz" caz üçlüyünə, "Leyli" və "Sevil" qadın vokal instrumental və "Muğam" instrumental ansambllarına rəhbərlik edib. Bundan başqa beynəlxalq caz müsabiqələri və festivallarının  laureatı olub.

   O, 1979-cu il  dekabrın16-da Daşkənddə qastrol zamanı ürək tutmasından vəfat edib. Sənətkar Bakıda dəfn olunub. Vaqif Mustafazadə Azərbaycan musiqisinin, muğamın klassik Amerikan caz musiqisi ilə sintezini yaradıb. Onun yeni devizi Caz-Muğam adlanır. O, Azərbaycan Muğam Caz Hərəkatının memarıdır. Onun həyat yoldaşı Elza Mustafazadə Azərbaycanın peşəkar caz-muğam tərzində oxuyan ilk qadınıdır.Fortepiano və simfonik orkestr üçün konsertin, tamamlanmamış "Muğam" simfoniyasının, bir sıra caz kompozisiyalarının və pyeslərin müəllifidir.

 

Sahilə Aslanova

 

Muz-Tv.az