Məşhur hollivud ulduzu ata olmağa hazırlaşır

Türkiyəli müğənni Tarkan yeni albomununu hazırlamazdan əvvəl 1,5 milyon dollar xərcləyərək paytaxtın ən nüfuzlu yerlərindən birində səsyazma studiyası satın alıb.

   Türkiyəli müğənni Tarkan yeni albomununu hazırlamazdan əvvəl 1,5 milyon dollar xərcləyərək paytaxtın ən nüfuzlu yerlərindən birində səsyazma studiyası satın alıb. Pop-ulduz artıq yeni musiqi toplusu üçün aranjemançı Ozan Çolakoğlu ilə hazırlıqlara başlayıb. Sənətçi musiqi toplusu üzərində işləri və digər yaradıcılıq fəaliyyətlərini məhz bu studiyada reallaşdıracaq . Qeyd edək ki, Tarkanın bu yeni məkanında dəyəri 500 min lirə olan xüsusi miks masası mövcuddur.

   Amerikalı ulduz Förcinin əkiz körpələri olacaq. “Förci və Coş cekpot udmuş kimi sevinirlər. Bu xəbəri uzun müddət gözləyirdilər. Xoşbəxtlikdən uçmaq üzrədirlər” - deyə cütlüyün yaxın dostlarından biri söyləyib. Müğənni artıq qastrol səfərlərini dayandırıb və spirtli içkilərdən tamamilə imtina edib. Həmçinin gələcək ana sağlam qidalanmağa da başlayıb.

   Kənan Doğulu və Beren Saat cütlüyü İstanbulda reallaşan moda həftəsində əl-ələ görülüb. Məşhur sevgililər modelyer Özgür Masurun defiləsini birlikdə izləyib. Dəvətə əl-ələ gələn aşiqlər onlara yönəldilən sualları isə cavabsız qoyub. Beren Saat: “Danışmaq istəmirəm. Hər şey yaxşıdır”- deyib.

   43 yaşlı Hollivud ulduzu Edvard Norton ata olmağa hazırlaşır. Onun nişanlısı Şona Robertson tezliklə aktyoru xoşbəxt edəcək. Gələcək ananın əslən kanadalı olduğu və kinopordüser işlədiyi bildirilir. Cütlük 2011-ci ildə nişanlanıb. Şonaya qədər Edvard Kortni Lav, Salma Hayek kimi məşhur  xanımlarla sevgili olub. Sevgililərin uşaq dünyaya gəldikdən sonra evlənib-evlənməyəcəyi isə hələ ki, məlum deyil.

 

Sahilə Aslanova

 

Muz-Tv.az