Yaşar Nurinin tamaşaları bir yerə toplanılır

Xalq artisti, mərhum sənətkar Yaşar Nurinin seçilmiş tamaşalarının toplusu hazırlanıb. 

    Xalq artisti, mərhum sənətkar Yaşar Nurinin seçilmiş tamaşalarının toplusu hazırlanıb. Sənətkarın xatirəsinə hörmət əlaməti olaraq onun baş rolda oynadığı 14 televiziya tamaşası 12 DVD diskdə toplanıb.

   Xalq artisti Alim Qasımov səfərə hazırlaşır. Aprelin 3-də ABŞ-a yola düşəcək sənətkar konsert proqramıyla çıxış etməyi planlaşdırır. Muğam ifaçısının verdiyi məlumata görə, o, 5 gün sərasər tamaşaçılarına əsərlərini təqdim edəcək.

    Əməkdar artist Almaz Ələsgərli Şimali Kiprdə solo konsert verəcək. Onun martın 22-də Doğu Akdeniz Universitetində Novruz şənliyində çıxışı gözlənilir. Tədbir Azərbaycan Tələbə Cəmiyyətinin, “Kreativ Gənclər” Xaricdə Təhsil Alan  Azərbaycanlı Tələbələrə Yardım İctimai Birliyinin və adı çəkilən universitetin təşkilatçılığı ilə keçiriləcək. Xatırladaq ki, tədbirdə  Novruz adət-ənənələrinə həsr olunan video  çarx və tələbələrin ifasında Azərbaycan milli rəqsləri nümayiş etdiriləcək.

   Əməkdar artist Abbas Bağırov yeni mahnısını sevənlərinin ixtiyarına verib. "Odur, O deyil" adlanan mahnının sözləri Teymur Məmmədova, musiqisi isə Vaqif Gərayzadəyə aiddir.

 

Səma Ələsgərova

 

Muz-Tv.az