Xalq artistləri barışdılar
Xalq artistləri İlhamə Quliyeva və Nazpəri Dostəliyeva barışıb. Məlumat hər iki sənətkar tərəfindən təsdiqlənib. Nazpəri xanım bununla bağlı yaxın günlərdə ...
Xalq artistləri İlhamə Quliyeva və Nazpəri Dostəliyeva barışıb. Məlumat hər iki sənətkar tərəfindən təsdiqlənib. Nazpəri xanım bununla bağlı yaxın günlərdə media mənsublarına açıqlama yayacaq. İlhamə xanımın mətbuat katibi: “Bəli, xəbər doğrudur. Bu barışıqda məşhur prodüser Tolikin və mətbuat katibi olaraq mənim də rolum var. İlhamə xanım anası, xalq artisti Tükəzban İsmayılovanın anım mərasiminə hazırlaşır. Eyni zamanda, yaxın günlərdə İlhamə xanımın oğlunun toyu reallaşacaq. Odur ki, xalq artisti vacib işlərlə məşğuldur və həyatında neqativ halların olmasının tərəfdarı deyil” – deyə məsələni şərh edib.
Müğənni Elnarə Xəlilova və gənc bəstəkar Zülfi Bədəlov yeni duetlərini təqdim edib.“Dəyərlisən, amma dəyərmisən?” adlı mahnının sözləri və musiqisi Zülfi Bədəlova aiddir.Yeni hitin aranjemanını isə Vaso edib.
Müğənni Rəqsanə Türkiyədə yeni albom üzərində çalışır. Musiqi toplusu yaxın vaxtlarda sevənlərin ixtiyarına veriləcək. Bundan başqa, müğənni Novruz bayramı ilə əlaqədar Moskvadakonsert proqramı ilə çıxış edəcək. İfaçı: "İndi Türkiyədə bu konsertin məşqlərini edirəm. Tədbirdə yeni və artıq tanınmış mahnılar ifa edəcəyəm. Bundan sonra dərhal İstanbula geri dönəcəyəm. Burada məni 8 saat davam edəcək plastik əməliyyat gözləyir"- deyə əlavə edib.
Bakı tamaşaçılarına kifayət qədər gülüş bəxş edən“Bu şəhərdə” komandası “Ərişdə” ilə bu dəfə Moskvadakı həmyerlilərimizi güldürəcək. Tamaşa aprelin 7-də baş tutacaq. Müşfiq Abbasovun ssenarisi əsasında hazırlanan səhnəcikləri aktyorlar Rafael İsgəndərov və Coşqun Rəhimov “Mir” konsert salonunda təqdim edəcək.
Müğənni Zamiq Hüseynov sosial şəbəkədə xanımlarla çəkilmiş fotosunu paylaşıb. Məlumata görə, bu, sənətçinin yeni klip çəkilişindən olan ilk görüntüdür. Xatırladaq ki, Zamiq bu yaz üç yeni mahnısına klip çəkdirəcəyini bildirib.
Səma Ələsgərova
Muz-TV.az