Dünya şöhrətli aktrisa boşanır
Amerikalı məşhur aktrisa Qvinet Peltrou Kris Martinlə olan evliliyində problemlər olduğunu və münasibətlərinin çətinləşdiyini söyləyib.
Amerikalı məşhur aktrisa Qvinet Peltrou Kris Martinlə olan evliliyində problemlər olduğunu və münasibətlərinin çətinləşdiyini söyləyib. 2 uşaq anası olan gözəl ulduz heç nəyə baxmayaraq “Hər nə olursa olsun mən çox yaxşı ata seçmişəm və biz uşaqlarımız sayəsində bir-birimizə bağlıyıq” –şəklində açıqlama verib.
Üçüncü həyat yoldaşı Keti Holmsdan keçən il boşanan amerikalı aktyor Tom Krus indi də “Bond qızı” Olqa Kurilenko ilə sevgilidir. “Oblivion” filmində birlikdə rol alan cütlük tanıtım üçün bir çox ölkəni əhatə edən dünya turuna çıxacaq. İki dəfə evlənib boşanan Kurilenko: “Tom Krus birgə işlədiyim ən yaxşı aktyordur. Bütün günü onu izləyə bilərəm” –deyib.
Bu yaz sevgilisi Teylor Kinni ilə evlənməyi planlayan müğənni Ledi Qaqa məşhur brendlərdən birinin imzasını daşıyan brilyant işləməli qara gəlinlik geyinəcək. Sözügedən gəlinlik gecənin irəliləyən saatlarında ulduzun rahat olması üçün ətəyi çıxarıla biləcək şəkildə dizayn ediləcək. Xatırladaq ki, ətdən paltar geyinən və rahibə obrazında səhnəyə çıxan Ledi Qaqa “Ən pis geyinən qadınlar” siyahısında ilk sırada yer alır.
Repçi Pitbull Kristina Agilera ilə birgə oxuduğu “Feel This Moment” adlı mahnısına çəkilən yeni klipini təqdim edib. Trek müğənninin keçən il sevənlərinin ixtiyarına verdiyi “Global Worming” albomuna dəstək məqsədilə çıxarılan dördüncü sinqldır. Ağ-qara rənglərdə çəkilən video çarxda Pitbullun dünya turnelərindən kardlar yer alıb. Kompozisiyada A-Ha qrupunun “Take On Me” mahnısının bəzi hissələrindən də istifadə olunub. Məşhur cütlük treki martın 23-də reallaşacaq “Kid’s Choice Awards” mükafatlandırma mərasimində ilk dəfə ictimaiyyətə təqdim edəcəklər.
Populyar rusiyalı müğənni Alsu ukraynalı bəstəkar və prodüser Dmitriy Klimaşenkonun mahnısına çəkilən yeni klipini təqdim edib. Kompozisiya “Net tebya doroje” adlanır. Xatırladaq ki, video çarx 2012-ci ilin noyabrında Bakıda lentə alınıb. Ekran əsərinin rejissoru Mariya İbrahimovadır. Klipdə gənc cültüyün sevgi dolu həyatlarının müxtəlif mərhələləri əks olunur. Video çarxın ideya müəllifi Alsu özüdür.
Sahilə Aslanova
Muz-TV.az