İlin sürpriz qadın dueti daş-qaşlı təqdimatla gəldi

Azərbaycanın və Dağıstanın xalq artisti, “Şöhrət” ordenli sənətçi İlhamə Quliyeva...  

Azərbaycanın və Dağıstanın xalq artisti, “Şöhrət” ordenli sənətçi İlhamə Quliyeva əməkdar artist Elza Seyidcahan ilə birlikdə duet şəklində oxuduqları “Ağçiçəyim” mahnısına klip çəkdiriblər.
Primadonna dəbdəbəli təqdimat mərasimi edərək sənət dostlarını və mətbuat nümayənədələrini başına yığıb. Sənətçini təbrik etməyə gələn bütün qonaqlar ağ güllərlə salona daxil olub. Üçtaclı kraliça həmin gün daş-qaşlı tacla qonaqlarını qarşılayıb.Uzun müddətdir Primadonna ilə duet oxumağı arzulayan Elza Seyidcahan nəhayət ki, arzusuna çata bilib. Seyidcahan sözügedən mahnını xalq artistinə həsr edib. Yeri gəlmişkən, tanınmış cütlük estrada tarixində ilk qadın dueti klipinə imza atıb. İlin sürpriz dueti görünür uzun müddət tamaşaçı yaddaşında qalacaq.İlhamə xanımla duet oxumaq həvəsinə düşən digər müğənnilərin nəzərinə! Bu o qədər də asan iş olmayacaq. Səbəbini primadonnanın özündən eşidək.Həmişə orijinal və səs-küyə səbəb olan layihələr hazırlayan Elza Seyidcahan bu dəfə də birinci olduğu üçün məmnun olub. Əməkdar artist təqdimat günü az qalırdı ki, sevincindən göylərə uçsun.

Lalə Yusifqızı
Ramal Gülməmmədov

Muz-tv.az