“Hürrəm sultana” xəyanət etdilər

“Muhteşem yüzyıl” serialının Hürrəm Sultanı Məryəm Üzərlinin sevgilisinin fotoları qalmaqala səbəb olub.

    “Muhteşem yüzyıl” serialının Hürrəm Sultanı Məryəm Üzərlinin sevgilisinin fotoları qalmaqala səbəb olub.Məlumata görə, Məryəmin xarici ölkədə olmasından istifadə etən Can Ateş beş xanımla şam yeməyinə çıxıb. Canın xanımlarla səmimi davranışları paparazzilərin diqqətindən qaçmayıb. 

    Britaniyalı məşhur müğənni Elton Con “Hurts” qrupunun “Exile” adlı növbəti albomlarının səsyazma prosesində iştirak edib. Kollektiv üzvləri ulduza bir neçə trek göndərərək onları müşayiət etməsi üçün dəvət ediblər. Qrupun solisti Teo Hatçkraft Con studiyaya gələndə keçirdikləri hisslər barədə danışaraq bunun albomları üçün böyük uğur olduğunu söyləyib. Elton Condan əlavə musiqi toplusunda “Hurts” qrupunun heyranlarından ibarət xor da çıxış edib.

    Rusiyanın primadonnası Alla Puqaçevanın boynundakı bahalı boyunbağı hər kəsin diqqətini cəlb edib. Iddialara görə, bu cəvahiratı ulduza həyat yoldaşı Maksim Qalkin hədiyyə edib. Boyunbağının 400 min dollar dəyərində olduğu bildirilir. Hədiyyənin Alla Puqaçevanın fevralın 23-də ona bağışladığı gecə klubuna cavab olaraq alındığı da iddialar arasındadır.

    Rusiya kinematoqrafçılar birliyinin üzvü aktyor Jerar Depardyenin Parisdəki malikanəsini rus kinematoqrafçılara hədiyyə etdiyini bildirib. Bu ilin yanvar ayında Rusiya vətəndaşlığı alan ulduz daha Fransada yaşamaq istəmir. O, mülkündə mədəni-kinematoqrafik mərkəzin yaradılmasına icazə verib. Bundan əlavə mülkün eyvanında Rusiya bayrağı dalğalanacaq. Qeyd edək ki, malikanı XIX əsrdə Sen-Jermen-de-Pre abbatlığında tikilib. Bu ərazidə qədim zamanlardan bəri yazıçılar və rəssamlar yaşayır.  Ev 1,7 min kvadrat metr ərazini əhatə edir.

 

Sahilə Aslanova

 

Muz-Tv.az