“Maşa və Ayı” bu dəfə azərbaycanlı tamaşaçılarını sevindirəcək
Martın 28-i və 29-da Akademik Milli Dram Teatrında “Maşa və Ayı” tamaşası nümayiş olunacaq. Sözügedən tamaşa məxsusi olaraq, Azərbaycan izləyiciləri üçün hazırlanıb...
Martın 28-i və 29-da Akademik Milli Dram Teatrında “Maşa və Ayı” tamaşası nümayiş olunacaq. Sözügedən tamaşa məxsusi olaraq, Azərbaycan izləyiciləri üçün hazırlanıb və xalqımızın ən qədim bayramlarından olan Novruz bayramına həsr olunub. Tamaşanın qəhrəmanı – uşaqların sevimlisi dəcəl Maşa Bakıdan qonaq gəlməsini arzulayır və onun arzusu çin olur. Məşhur cizgi filminin motivləri əsasında hazırlanan uşaq tamaşasında azərbaycanlı və gürcü aktyorlar çıxış edəcək. Quruluşçu rejissoru Qoça Kviçanın olduğu tamaşa Azərbaycan dilində oynanılır. Maşa rolunu Maka Tsintsadze ifa edəcək, səsləndirməni isə Məsmə Aslanqızı yerinə yetirəcək. Qeyd edək ki, “Multi-Pulti dünyası” teatrı “Maşa və ayı” tamaşasını lisenziya əsasında hazırlayıb və Qafqazda rəsmi tərəfdaşlıq hüququna malikdir. Hazırda nümayiş olunan seriya “Arzular çin olur” adlanır.
Türk şou-biznesinə qatılmaq fikrində olan gənc müğənni Orxan Babazadə bu işə Aygün Kazımova və Röyanın bostanına daş atmaqla başlayıb. Müğənni: “Aygün Kazımova ilə Röyaya baxanda gülməyim gəlir. Ətək-ətək pul xərcləyib dəridən qabıqdan çıxıblar. Hətta bildiyimə görə, biri evini, digəri isə bağını satıb. 2 gündən bir Türkiyəyə yollanırlar. Amma nə fayda? Gördükləri iş sıfıra bərabərdir”-deyib. ifaçı özünü də tərifləmıyi unutmayib. Gördüyü işlərdən ağız dolusu danışan Orxan türkyənin məşhur sənətçisi Orxan Gəncəbaydan halallıq aldığını söyləyib: “Mən özlərini “nömrə bir” hesab edən ulduzlarımız kimi yalandan yox, həqiqətən Orxan Gəncəbayla görüşdüm. İnşallah yaxın günlərdə onun repertuarından bir mahnı oxuyacam”-deyə əlavə edib.
Müğənni Elvin Abdullayev Qubaya üz tutub. İfaçı şimal bölgəsində istirahəti zamanı yeni mahnı yazdığını bildirib. Yayaılan məlumata görə, “Ulduzumsan” adlanan əsəri Elvin sevgilisinə həsr edib.
Səma Ələsgərova
Muz-Tv.az