Məşhur müğənninin halı pisləşdi

Peşəkar müğənni, xalq artisti, professor Azər Zeynalovun “Vokal ifaçılığı” kitabı çapdan çıxıb. 

   Peşəkar müğənni, xalq artisti, professor Azər Zeynalovun “Vokal ifaçılığı” kitabı çapdan çıxıb. Azərbaycan Dövlət Mədəniyyət və İncəsənət Universitetinin 90 və klassik opera-vokal sənətimizin 105 illik yubileyinə həsr olunmuş kitab Təhsil Nazirliyinin müvafiq əmri ilə ali məktəblər üçün dərslik kimi təsdiq edilib. Bundan sonra müğənninin müəllifi olduğu kitabdan gənc ifaçılar dərslik kimi istifadə edəcəklər. Onu da vurğulayaq ki, ara-sıra sənətində fasilələr yaransa da, xalq artisti yaxınlarda bir neçə böyük layihə ilə musiqisevərlərə ərməğanının olacağını bildirib.

    Müğənni Eldar Qasımov İtaliyaya yollanıb. “Avroviziya”  mahnı müsabiqəsinin birincisinin səfərinin məqsədi orada konsert proqramı ilə çıxış etməkdir. Eldar martın 28 və 29-da Roma şəhərində “Xaricdə Təhsil alan Azərbaycanlı Gənclərin Beynəlxalq Forumu”nun “Azərbaycan 2020: Gənclərin baxışı” tədbiri çərçivəsində keçiriləcək böyük konsert proqramında çıxış edəcək.

    Müğənni İzzət Bağırov daha bir mahnısını ekranlaşdırıb. Sənətçi verdiyi açıqlamasında klip çəkilişlərindən danışıb: “Musiqisi Ələkbər Tağıyev, sözləri Hüseyn Arifə məxsus olan “Yağış yağır sevgimizə” adlı klassik mahnıya klip çəkdirdim. Rejissorluğunu Nail Naiboğlu edib. Çox maraqlı və romantik bir süjet xətti olacaq. Tərəf müqabilim “Ögey ata” filmində oynayan aktrisa Xəyalədir. Ssenariyə əsasən bizə yağışlı hava lazım idi. Buna görə də süni yağışdan istifadə etdik. Başıma 13 ton su tökdülər. Necə soyuq idisə, hələ də özümə gələ bilmirəm”.

   Şou-biznesin əjdahası Nadir Qafarzadənin halı qəfildən pisləşib. Bayram günlərində telekanalların birində qonaq olan Nadirə beş yumurta yeməyi təklif ediblər. Müğənni səhhətini gözə almadan yumurtaları yeyib və qəfildən təzyiqi yüksələrək halı pisləşib.

 

Sahilə Aslanova

 

Muz-Tv.az