Ayaz Qasımov: “Nə vaxtsa başı daşa dəyəcək, ayılacaq...”

Müğənni Ayaz Qasımov ARB telekanalının “Şou məkan” verilişinə işləri barədə danışıb.

Muztv.az xəbər verir ki, ifaçı işlərinin çoxluğundan, tələbatlı müğənni olmasından söhbət açıb: “İşlər o qədərdir ki, müsahibə verməyə belə vaxt tapa bilmirəm. Əvvəl deyirdim, çatdıracam hər şeyi indi görürəm yox”.

İfaçı heç vaxt heç kimə pislik etmədiyini dilə gətirib: “İnanmıram, kimsə mənə cadu etsin. Heç kimə pislik etməmişəm, paxıllıq edə bilərlər. Ancaq konkret olaraq pislik görməmişəm. Yolumu kəsən yoxdur. Allah hər kəsin öz ruzisini versin”.

Müğənni toylarda baha qiymətə iştirak etmədiyini söyləyib.

15 ildir səhnədə olan ifaçı həmkarlarında barəsində pis fikir eşitmədiyini deyib: “Özüm özümə hörmət etdiyim üçün, hörmətsizlik görmürəm. Etsələr cavabını alarlar”.

İfaçı özünü təkəbbürlü aparan həmkarları barədə də danışıb: “Neçə ildir mən səhnədəyəm, hələ onlar kimi özümü aparmıram. Elələrinə heç salam da vermirəm. Nə vaxtsa başı daşa dəyəcək, ayılacaq, özü salam verəcək, onda salamını alaram”.

Müğənni hər verilişə və dəvət olunan yerlərə getmədiyini dilə gətirib.