Habil Əliyev: “Sənət qadın üçün deyil”

Azərbaycanın xalq artisti Habil Əliyev və müğənni Əli Mirəliyev İlhamə Quliyeva və Nazpəri Dostəliyevanın arasında yaşanan qalmaqala münasibət bildiriblər. 

    Azərbaycanın xalq artisti Habil Əliyev və müğənni Əli Mirəliyev İlhamə Quliyeva və Nazpəri Dostəliyevanın arasında yaşanan qalmaqala münasibət bildiriblər. Müğənni Əli Mİrəliyev: “İlhamənin davası öz yaşıdları ilə ola bilər. Nazpəri axı onun qızı yerindədir, bir az düz gəlmir. Ümumiyyətlə musiqi əhlinin dava-dalaşla gündəmdə olması məsləhət deyil”-söyləyib. Xalq artisti, kaman ustası Habil Əliyev isə: “Bu qalmaqal utanılası məsələdir, mənim qadınlardan başım çıxmır, onlar bununla nə demək istəyirlər? Sənət qadın üçün deyil. Qadınlar sənətə gəlib doluşmaqla sənəti də qadınlaşdırıblar”-deyə əlavə edib.

    Bir-birinin ardınca yeni mahnılar yazdıran müğənni Röya yorulmaq bilmir. Sənətçinin növbəti mahnısı “Çarəsiz xəsətəlik” adlanır. Bəstənin musiqisi Pərviz Mahmudov, sözləri isə şairə Leyli İsrafilovaya məxsusdur. Röya bu mahnının hit olacağına əmindir.

    Müğənni Natavan Həbibinin daha bir duet ortağı bəlli olub. O, bu dəfə sənətçi Kərim Abbasovla birgə ifaya imza atacaq.. Cütlüyün birlikdə ifa edəcəyi “Dost sevgisi” adlı mahnının musiqisi və sözləri Kərimin özünə aiddir. Sənətçilər bu mahnıya maraqlı, gülməli ssenari əsasında klip çəkəcəklərini söyləyiblər.

    Uzunmüddətdir Türkiyədə olan müğənni Rəqsanə sosial şəbəkədə yeni fotolarını paylaşıb. Şəkillərdə sənətçinin nişanlısı olduğu iddia edilən gənc də görünür. Rəqsanə sevgilisinin ona hədiyyə etdiyi nişan üzüyünü də çəkərək sevənləri ilə bölüşüb.

 

Səma Ələsgərova

 

Muz-Tv.az