Azərbaycan “Avroviziya -2013” mahnı müsabiqəsində dördüncü çıxış edəcək
”Avroviziya-2013” mahnı müsabiqəsinin birinci ve ikinci yarımfinallarda iştirak edəcək ölkələrin sıra nömrələri müəyyən edilib.
”Avroviziya-2013” mahnı müsabiqəsinin birinci ve ikinci yarımfinallarda iştirak edəcək ölkələrin sıra nömrələri müəyyən edilib. Azərbaycan təmsilçisi Fərid Məmmədov mayın 16-da keçiriləcək ikinci yarımfinalda 4 nömrə altında çıxış edəcək. Bu ilki püşkatmanın özəlliyi ondan ibarətdir ki, təmsilçilərin sırasını müsabiqənin təşkilatçıları müəyyən edirdilər. Belə ki, onlar eyni üslubda ifa olunan iki mahnının bir-birindən sonra düşməsinin qarşısını almaq istəyiblər. Xatırladaq ki, Azərbaycan təmsilçisi Fərid Məmmədov müsabiqədə “Hold Me” adlı mahnını ifa edəcək.
Azərbaycanın əməkdar artisti Azərin Türkiyədə növbəti dəfə yüksək mükafata layiq görülüb. Sənətçimiz Türkiyə siyasətinin tanınmış siması olan, bir neçə il öncə təyyarə qəzasında dünyasını dəyişən Muhsin Yazıçıoğlunun adına təsis edilən “Basın ödülü” ilə təltif olunub. Xatırladaq ki, bu mükafata sənət adamları sırasında ilk dəfə Azərin layiq görülüb. Bu mükafat Azərinə mərhum siyasətçinin “Üşüyorum” adlı şerinə bəstələnmiş mahnını ifa etdiyinə görə verilib. Mahnının bəstəkarı azərbaycanlı musiqiçi Zümrüd Tağıyevadır.
Müğənni Rəqsanə gənc oğlanla sosial şəbəkədə paylaşdığı şəkillərə aydınlıq gətirib.Hazırda Moskvada olan sənətçinin verdiyi məlumata görə, fotolardakı gənc onun bacısı oğludur. Ifaçı: “Tunar mənim oğlum kimidir. Aysunla birlikdə Rusiyada təhsil alırlar. Nişanlımın fotosu hamıya maraqlıdır. Amma o, mediadan kənar qalmağı istəyir. Mən də onun bu qərarına hörmətlə yanaşıram. Albom çıxsın, klip çəkilsin, konsert baş tutandan sonra toyun tarixini də dəqiqləşdirəcəyik”-deyə əlavə edib.Bundan başqa yeniliklərindən də söz açan müğənni yaxın günlərdə klip çəklişləri üçün Hindistana yollanacağını söyləyib.
Ötən gün gecə saatlarında vətənə qayıdan xalq artisti Aygün Kazımova yenə imicini dəyişib. Bir müddət əvvəl saçlarını qısaldan müğənni onları yenidən uzatdırıb və rəngləyib.Tez-tez fərqli imiclərdə görünməyi xoşlayan sənətçi bu dəfə də öz ampluasında olub.
Uzun müddətdir Hindistana aktyor dərsləri almaq üçün gedən və fanatları ilə virtual aləmdən ünsiyyət quran rəqqasə Oksana Rəsulova Vətənə qayıdır. Sənətçi paytaxt Bakı, doğmaları və ona əziz olan fanatları üçün çox darıxdığını, aprelin ortasında Bakıya gəlib, onlara xüsusi görüş vaxtı ayıracağını vəd edib. Rəqqasə: “Aprelin əvvəlində sonuncu imtahanımdır. Gecə-gündüz bunun üçün hazırlaşıram”-deyə söyləyib.
Müğənni Səidə Sultan Novruz bayramı münasibətilə Almaniyada konsertverib. Köln şəhərində keçirilən konsert Avropanın ən böyük Novruz mərasimi olub. Konsert proqramında xalq artisti Aftandil İsrafilov və əməkdar artist Yaqub Zurufçu da iştirak edib.
Səma Ələsgərova
Muz-Tv.az