Rihanna onu döyən sevgilisindən yenidən ayrıldı

Kris Braun qatıldığı televiziya proqramlarından birində Rihannadan ayrıldığını deyib.

    Kris Braun qatıldığı televiziya proqramlarından birində Rihannadan ayrıldığını deyib.  Bir neçə gün əvvəl vaxtilə Rihannanı döydüyü üçün onun tərəfindən bağışlanıldığını və bundan sonra heç zaman ayrılmayacaqlarını bildirən 23 yaşlı müğənni qəfil qərarının səbəbini izah etməyib. Aparıcının “Hələ də Rihanna ilə birlikdəsinizmi?” sualına Kris: “Xeyr, Rihanna ilə hər şey bitdi” –deyə  cavab verib.

    “Alatoranlıq” silsilə filmlərinin ulduzu Kristen Stüart bu günlərdə ona gələn yeni film təkliflərini rədd edir. Həyatında karyera yox, sevginin əsas olduğunu söyləyən ulduz bütün boş zamanını Avstraliyadan təzəcə dönən sevgilisi Robert Pattinsonla birlikdə keçirir.  Yeni filminin çəkilişləri ərzində onu ziyarət etməsinə qadağa qoyan Robert üçün çox darıxan  Stüart həftələrlə davam edən ayrılığın acısını sevgilisinin yanından bir an olsun ayrılmayaraq çıxarır. Aktrisanın yaxınlarından birinin məşhur xəbər saytına verdiyi məlumata görə, Kristen bütün enerjisini şəxsi həyatına sərf etmək istədiyini və buna görə də yay fəsli ərzində işləməyəcəyini söyləyib.

    “Depeche Mode” qrupunun “Soothe My Soul” mahnısına çəkilən yeni klipinin “Youtube” saytında premyerası reallaşıb. Kompozisiya kollektivin son “Delta Machine” albomuna daxil edilib. Video çarxın rejissoru Uorren Fudur. Ekran əsəri ağ-qara rənglərdə çəkilib. Xatırladaq ki, qrup bu yaxınlarda “Heaven” adlı mahnıya çəkilən klipini təqdim etmişdi. Hazırda trio dünya qastroluna hazırlaşır.

    Məşhur ulduz Cessi Cey, Tom Cons, Will.i.am və “The Script” qrupunun solisti Denni O`Donohyu eyni səhnəni paylaşıb. Musiqiçilər məşhur teleşou zamanı birgə çıxış ediblər. Onlar Litl Riçardın “Long Tally Sally” mahnısını ifa ediblər. Xatırladaq ki, adı çəkilən ulduzlar daha əvvəl də “The Black Eyed Peas” qrupunun “I Gotta Feeling”  mahnısını səsləndiriblər.

 

Sahilə Aslanova

 

Muz-Tv.az