Məşhurların həyatında sevincli anlar
“Kristal” qrupunun prodüseri Mədinə Məlik nişanlı olduğu Samir Məliklə tezliklə nikaha daxil olacaq .
“Kristal” qrupunun prodüseri Mədinə Məlik nişanlı olduğu Samir Məliklə tezliklə nikaha daxil olacaq . Toy hazırlıqlarına başlayan cütlük nikahın vaxtını dəqiq açıqlamayıb. Prodüser nəzərdən qorxduğu üçün bu qərara gəlib. Mədinə son günlərin dəbindən kənara çıxıb toyunun mediada işıqlanmasına icazə verdiyini də bildirib. Qeyd edək ki, cütlük fevralda evlənməli idi, bəzi problemlərə görə, sonradan toy təxirə düşdü.
Daha çox toy müğənnisi kimi tanınan Manaf Ağayev Ramazan ayı bitəndən sonra gərgin işləyəcək. Buna səbəb isə ifaçının toylarının çox olmasıdır. Özünü digər ifaçılarla müqayisədə insaflı müğənni hesab edən Manaf bey toy sahibləri ilə heç vaxt qiymət danışmadığını bildirib.
İfaçı Elxan Qaraxanoğlu tezliklə ata olacaq. Müğənninin dünyaya gələcək övladı oğlandır. Cütlük qız övladı arzu eləsə də, bu elə istək olaraq qalıb. Taleyi ilə barışan Elxan “əsas sağlamliqdır, Allah bilən məsləhətdir” – deyə bildirib.
4 ildə 5 dəfə küsüb 6 dəfə barışan türk müğənnisi Özcan Denizlə sevgilisi Fahriye Evcen bu dəfə birdəfəlik ayrılıb. Eyni filmdə rol alan müğənni və aktrisa açıq-saçıq səhnələrdən imtina edirdi. İfaçı Evcənə “səninlə evlənirəm və uşaq böyütməyi düşünürəm” deyərək , qadağa qoymuşdu. Yolları ayrıldıqdan sonra aktrisa açıq-saçıq rollarda oynamağa qərar verib.
Azərbaycanlı rejissor Nail Naiboğlu avtomobil qəzasına uğrayıb. Çəkilişdən qayıdan zaman idarəetmənii itirən klipmeyker hələ də şokda olduğunu deyib. Hadisə Güzdək qəsəbəsində yaşanıb. Qeyd edək ki, rejissor indiyədək sayca üçüncü qəzanı keçirib.
Bu günlərdə Bakıya səfər edən türkiyəli aktrisa Tuba Büyüküstün şəxsi həyatı ilə bağlı maraqlı açıqlama verib. Aktrisa müsahibəsində evlilik həyatından və qızlarından ağızdolusu danışaraq xoşbəxt olduğunu deyib: “Qızlarımın birinin adı Maya, digərinin isə Toprakdır. Biri mənə, o biri isə atasına bənzəyir. Əkiz uşaq sahibi olmağın gözəl tərəfləri əziyyətindən daha çoxdur ”- deyərək aktrisa vurğulayıb.
Xəyalə Əzizova
Muz-Tv.az