Əfsanəvi “The Beatles” qrupunun valı rekord qiymətə satıldı

Əfsanəvi The Beatles qrupunun nadir, üzərində musiqiçilərin imzaları olan valı hərracda rekord məbləğə satılıb. 

    Əfsanəvi The Beatles qrupunun nadir, üzərində musiqiçilərin imzaları olan valı hərracda rekord məbləğə satılıb.  Məlumata görə, “Pepper's Lonely Hearts Club Band” toplusuna 300 min dollar ödənilib.  Hərrac ABŞ-ın Texas ştatında “Heritage Auctions” tərəfindən keçirilib. 1967-ci ilin iyun ayında satışa çıxarılmış valı alan adamın adı açıqlanmır.

    Amerikalı müğənni Kris Braun “Fine China” adlı yeni mahnısını təqdim edib. Ulduz həmçinin kompozisiyaya çəkilən klipi də sevənlərinin ixtiyarına verib. Ekran əsərində qadağan olunan sevgidən bəhs edilir. Video çarxın süjet xəttinə görə, baş rolu ifa edən Kris sevdiyi qızı atasından icazəsiz səyahətə aparır. Müğənni klipdə öz rəqsi ilə də seçilib.

   Əfsanəvi fransız aktyor Alen Delon Almaatada səfərdə olduğu müddətdə 16 karatlıq bahalı brilyantını itirib. Qeyd edək ki, ulduz paytaxta 2011-ci ildə gəlib, amma səfərin təşkilatçıları naməlum səbəblərdən bu barədə yalnız indi açıqlama vermək qərarına gəlib.  Məlumata görə, bu qiymətsiz zərgərlik nümunəsini aktyora Almaatanın nüfuzlu iş adamlarından biri hədiyyə edib. Xatırladaq ki, Alen Delon Qazaxıstana 2 il əvvəl öz saatını hərracda satmaq üçün təşrif buyurub. 

     Amerikalı ulduz Beyons musiqiçi və prodüser Andrenin iştirakı ilə Emi Uaynhazun “Back to Black” mahnısını yeni versiyada ifa edəcək.  Kompozisiya Baz Lurmanın “Qüdrətli Qetsbi” filmində səslənəcək. Qərb mətbuatının verdiyi məlumata görə, Beyonsun səsləndirəcəyi kover versiya orijinalından xeyli fərqlənəcək. Soundtrekin səsyazma prosesində ulduzun həyat yoldaşı Jey-Z də iştirak edəcək. Trekin hazırlıq mərhələsi 2 il davam edib. Qeyd edək ki, kompozisiyanın yazılışında  Ledi Qaqa, Prins kimi bir çox məşhurlarla işbirliyi nəzərdə tutulub.

   

Sahilə Aslanova

 

Muz-Tv.az