Bu gün xalq artisti Muxtar Maniyevin doğum günüdür

Bu gün Azərbaycanın xalq artisti Muxtar Maniyevin doğum günüdür. 50 ildən artıq yaradıcılığı dövründə sənətkar 157 filmdə, 20 tamaşada rol alıb.Aktyorun kinoya gəlişi “Koroğlu”

    Bu gün Azərbaycanın xalq artisti Muxtar Maniyevin doğum günüdür. 50 ildən artıq yaradıcılığı dövründə sənətkar 157 filmdə, 20 tamaşada rol alıb.Aktyorun kinoya gəlişi “Koroğlu” filmi ilə olub. Daha sonra o, “Bizim Cəbiş müəllim”, “Ölsəm, bağışla”, “Bəxt üzüyü”, “Bəyin oğurlanması”, “Babək”, “Nəsimi”, “Qərib cinlər diyarında” kimi ekran əsərlərində yaddaqalan obrazlar yaradıb. Muxtar Maniyev 50 yaşında əməkdar artist, 65 yaşında isə xalq artisti adına layiq görülüb. Xatırladaq ki,sadəliyi, səmimiliyi ilə seçilən sənətkarın 78 yaşı tamam olur.
    Müğənni Əbdül Xalid “Can yoldaşım” mahnısına klip çəkdirib. Tovuzda lentə alınan ekran işinin rejissoru Ramin Ələsgərovdur. Sənətçi xoşbəxt ailələrin sevgi himni adlandırdığı bu klipin bəyəniləcəyinə əmindir. 

    Nadir Qafarzadə xalq artisti Aygün Kazımova ilə aralarında yaşanan incikliyə aydınlıq gətirib. Sən demə, küsülülüyün əsl səbəbi başqa imiş. Bu haqda danışan Nadir Qafarzadə: “Bilirdim ki, Aygün xanım məni çox istəyir. Yaxşı ki, barışdıq. Bir dəfə onun ad gününə getməmişdim, çünki harda keçirildiyindən xəbərsiz idim. Elə problemlər də burdan qaynaqlanırdı.  Amma bu günə qədər Aygün xanımın bütün doğum günü tədbirlərinə qatılmışam”-deyə əlavə edib.

    Rep ifaçısı Dado “Arzular” adlı trekinə klip çəkdirib. Sözügedən mahnını o, köhnə Bakı qrupunun solisti Əli Əliyev və gənc müğənni Fərid Dadaşovla birgə ifa edib.

 

Səma Ələsgərova

 

Muz-Tv.az