“Minik sərçə”dən qeyri-adi miras

Son vaxtlar qalmaqalları ilə gündəmə gələn gənc müğənni Castin Biber hər kəsi özündən çıxarıb. 

    Son vaxtlar qalmaqalları ilə gündəmə gələn gənc müğənni Castin Biber hər kəsi özündən çıxarıb. Sənətçi narkotik maddə istifadə etməsi, hər gün kiminləsə dalaşması ilə işçi heyətini bezdirib. Onun konsertlərə gecikməsi və ya sərxoş gəlməsi iş təkliflərinin sayını da azaldıb. Castinin meneceri bu gedişlə müğənninin iki ildən sonra tamamilə unudulacağını, karyerasının məhv olacağını və müflisləşəcəyini deyib.

    Türkiyənin “Minik sərçə” ləqəbli ulduzu Sezen Aksu oğlu Mithat Cana bənzəri olmayan miras bağışlamağa hazırlaşır.  O, satmağa, hətta heç kimə bağışlamağa belə qıymadığı mahnılarını miras kimi toplayıb. Türk mətbuatı bildirir ki, Sezen Aksu oğlu üçün hazırladığı bu sərvəti – özəl bəstələrini Qanlıcadakı evində mühafizə edilən seyfində saxlayır. Bu addımıyla o, həm oğlu Mithatın gələcəyini sığortalayıb, həm də fiziki yoxluğunda belə, bir müddət yeni mahnılarla dinləyicilərini sevindirmək niyyətindədir. Oğluna hazırladığı bu xüsusi miras xəbərini sənətkarın ən yaxın dostları ilə paylaşdığı bildirilir.

    Britaniyalı “Hurts” qrupu “Blind” adlı mahnılarına çəkilən yeni kliplərini təqdim edib. Kompozisiya kollektivin “Exile” albomuna daxil edilən ikinci sinqldır.  Ekran əsərinin rejissoru Naz  tamaşaçıya sevgi hekayəsi göstərmək istədiyini bildirib. Klip İspaniyada bir bir ay ərzində lentə alınıb.  Xatırladaq ki, qrupun “Exile” albomu mayın 12-də sevənlərinin ixtiyarına veriləcək.

    Aktrisa Ekin Türkməndən ayrılan müğənni Murat Dalkılıç həmkarı Ece Seçkinlə yeni sevgi münasibətlərinə start verib. Cütlüyün əlaqəsinin keçən həftə başladığı öyrənilib. Məşhur əyləncə mərkəzlərindən birində görülən yeni sevgililər məkandan ayrı-ayrı çıxıb.

 

Sahilə Aslanova

 

Muz-Tv.az