Abbas Bağırovun “Arzu”su

Xalq artisti Brilliant Dadaşova “Arzular” adlı mahnısını yenidən ifa edib. Sənətçi studiyada sözügedən əsəri oxuyarkən çəkdiyi videonu “Facebook” profilində yerləşdirib.

     Xalq artisti Brilliant Dadaşova “Arzular” adlı mahnısını yenidən ifa edib. Sənətçi studiyada sözügedən əsəri oxuyarkən çəkdiyi videonu “Facebook” profilində yerləşdirib. Əməkdar artist Abbas Bağırov yeni albomuna maraqlı bəstə daxil edəcək. O, maestro Niyazinin mahnısını oxuyub: “İlk dəfə maestro Niyazinin repertuarına müraciət etmişəm. Onun “Arzu” əsərini oxumuşam. İnanıram ki, bu mahnını dinləyicilər mənim ifamda da bəyənəcəklər”.

   Əməkdar artist Almaz Ələsgərovanın rəsmi internet saytı hazırlanır. Bu barədə sənətçinin mətbuat katibi Cəfər Mənsimi məlumat verib. Onun sözlərinə görə, saytda Almaz Ələsgərovanın 1985-ci ildən sənətdə atdığı ilk adımlarından bu günə kimi olan yardıcıllığı, klipləri, fotoları və mətbuatda onun barədə yazılan xəbərlər, qazandığı mükafatlar və bir sıra maraqlı bölmələr yer alacaq: “Əsas məqsədimiz müğənninin pərəstişkarlarının onunla daha yaxından tanış olmasıdır. Sayt digər müğənnilərin saytından daima yenilənməsi ilə fərqlənəcək”. Mətbuat katibi həmçinin onu bildirib ki, bu günə kimi Almaz Ələsgərovanın rəsmi internet saytı yox idi və bu sayt vaistəsilə Almaz Ələsgərovanın fanatları onunla əlaqə saxlaya biləcək və ən son xəbərləri oxuma şansını qazanacaqlar. 

    Xatırladaq ki, məşhur müğənnimiz bu yaxında ifa etdiyi “Bulud yağmura aşiq” mahnısına çəkdirdiyi klipi tamaşaçıların ixtiyarına verəcək.

 

Sevda Məmmədova

 

Muz-Tv.az