Məşhur aktyor həbsdən azad olundu

Dünya ulduzu Beyonsun 50 milyon dollar müqabilində çəkildiyi növbəti reklam çarxı tamaşaçıların ixtiyarına verilib. 

    Dünya ulduzu Beyonsun 50 milyon dollar müqabilində çəkildiyi növbəti reklam çarxı tamaşaçıların ixtiyarına verilib. Videoçarxda müğənni özünü müxtəlif obrazlarda canlandırıb. Bu rollar müğənninin "Crazy in Love”, "Bootylicious” və "Single Ladies" kliplərində gördüyümüz personajlardır. Ekran əsəri internetə yükləndiyi 1 gün ərzində rekord sayda - 1 122 775 dəfə izlənib.

   “Bleyd” silsilə filmlərinin ulduzu Vesli Snayps həbsxanadan azad edilib. Buna baxmayaraq, aktyor iyulun 19-a qədər ev həbsində qalmalı olacaq. Xatırladaq ki, 2010-cu ildə  Snayps vergilərdən yayındığına görə üç il müddətinə azadlıqdan məhrum edilmişdi.

   “Belstyaşie” qrupunun keçmiş üzvü Yuliya Kovalçuk yeni klipinin çəkilişlərini tamamlayıb. “Moxito” kompozisiyası müğənninin yeni albomuna daxil ediləcək. Video çarx Los Ancelesdə ukraynalı klipmeyker Fil Li tərəfindən lentə alınıb. Qeyd edək ki, rejissor Yuliyaya axıra qədər klipin süjet xətti barədə məlumat verməyib və ona heç nəyə qarışmamağı tapşırıb.

    Qalatasaray" azarkeşi olan müğənni Kənan Doğulu, "Real" matçında komandasını dəstəkləmək üçün yola çıxıb, amma Madridə gedə bilməyib. Ulduz adını ehtiyat sərnişin siyahısına yazdırsa da, bilet maneəsi ilə qarşılaşıb. Sənətçi təyyarələrdə yer tapmayınca oyunu hava limanındakı  televizordan izləmək məcburiyyətində qalıb.

 

Sahilə Aslanova

 

Muz-Tv.az