Azəri qızı Güneldən Elza Seyidcahana sərt ismarıc

Sənətçi Gülay Zeynalova İsveçrədən qayıdıb. Müğənninin verdiyi məlumata görə, səfərin məqsədi orada konsert vermək olub. 

    Sənətçi Gülay Zeynalova İsveçrədən qayıdıb. Müğənninin verdiyi məlumata görə, səfərin məqsədi orada konsert vermək olub. Mədəniyyət və Turizm Nazirliyinin dəvəti ilə baş tutan konsertdə Gülayla birlikdə xanəndə Babək Niftəliyev də çıxış edib. “Konsert BMT-nin binasında təşkil olundu. Bizimlə birlikdə tar ifaçısı Rövşən Qurbanov və başqaları da var idi” - deyə Gülay bildirib.

    Əməkdar artist Elza Seyidcahanın "Mən Azəri qızı Günelin müəllimi olmuşam" sözlərini işlətməsi Günelin qəzəbinə tuş gəlib. Günel: "Bu yaşıma çatmışam, təvazökarlıqdan uzaq kimi çıxmasın kimsədən dərs almamışam” –deyə cavab verib. “Borclu olduğum bir insan var, o, da ustad sənətkar İbrahim Tatlısesdir. Hər kəsə verə biləcək cavabım var. Mənimlə işləri olmasın” –deyə müğənni hisslərini ifadə edib.

    Vasif Məhərrəmli toy qiymətlərinin artmasında mühüm rol oynayan amillərdən danışıb. O, repertuar və reklamın düzgün qurulmasını vacib şərt kimi qiymətləndirib. “Xarici görünüş, intellekt, səhnə mədəniyyəti, geyim öz yerində, amma əsas reklam və düzgün repertuardır. Bu iki amil müğənninin toy qiymətlərini artırır” –deyə ifaçı bildirib.

    Gənc müğənni Çingiz Mustafayev İtaliyaya gedib.  O, Romada Xaricdə Təhsil Alan və Məzun Olmuş Azərbaycanlı Gənclərin Beynəlxalq Forumu münasibətilə keçirilən tədbirdə çıxış edib. Çingizlə birlikdə müğənni Eldar Qasımov, “Avroviziya” üzrə Azərbaycanın musiqi kordinatoru Zəhra Bədəlbəyli də İtaliyaya yollananlar sırasında olub.

 

Sahilə Aslanova

 

Muz-Tv.az