Rövşən İsax 47 yaşında  - fotolar

Bu gün rejissor Rövşən İsaxın doğum günüdür.

Muztv.az xəbər verir ki, "Atv" telekanalında yayımlanan "Vicdan Haqqı" serialının rejissoru Rövşən İsax 47 yaşını qeyd edir.

Qeyd edək ki, Rövşən İsax 14 avqust 1970-ci ildə Gəncədə anadan olub. M.Əliyev adına Azərbaycan Dövlət İncəsənət İnstitutunun "dram teatrı və kino aktyoru" fakültəsində təhsil alıb (1988-1992). Dövlət Gənclər Teatrında (1993-1994), Dövlət Pantomim Teatrında (1994-1995) aktyor kimi, Azərbaycan Dövlət Mədəniyyət və İncəsənət Universitetində (1993-1998) müəllim kimi çalışıb. "Azərbaycan Dövlət Televiziyası"nda, "Space TV"-də rejissor kimi çalışıb. Türkiyənin "Samanyolu Televiziyası"nın "STV" Azərbaycan filialında icraçı direktoru olub (1998-2001). Hazırda "Pozitiv Media"nın direktorudur. Tam və qısametrajlı bədii, habelə onlarla reklam filminin müəllifidir. 

Rejissorun çəkdiyi və sevilən ekran əsərlərindən "Kiçik leytenant" (qısametrajlı bədii film1996), "Aktrisa" (tammetrajlı bədii film 2011), "Pərvanələrin rəqsi" (serial, 2012), "Sonuncu fəsil" (2013)  və "Vicdan haqqı" seriallarının adını çəkə bilərik. 

Ailəlidir. Üç övladı var.