PSY-ın yeni klipi öz vətənində yayımlanmayacaq

Rusiyalı müğənni Maksim "Ya veter" mahnısına çəkilən yeni klipini təqdim edib. Kompozisiya ifaçının "Drugaya realnost" albomuna daxildir. 

     Rusiyalı müğənni Maksim "Ya veter" mahnısına çəkilən yeni klipini təqdim edib. Kompozisiya ifaçının "Drugaya realnost" albomuna daxildir. Maksim yaradıcılığı boyunca 18-dən çox video çarx çəkdirib. Ifaçı ilk dəfə ritmik mahnını ekranlaşdırdığını vurğulayıb. “Ömrümdə birinci dəfə  bu qədər rəqs elədim” – deyə müğənni bildirib. Qeyd edək ki, Maksim nəinki sözügedən video çarxda, hətta bütün yaradıcılığında dəyişiklik etmək qərarına gəlib. Belə ki, ulduz  “Drugaya realnost” albomunda artıq yeniyetmə qız obrazı canlandırmır.

     Amerikalı ulduz Förci də digər müğənnilər kimi “Böyük Qetsbi” filminin “Kann” kinofestivalında reallaşacaq premyerasına hazırlaşır. Elə məhz bu səbəblə ifaçı bütün dünyaya “A Little Party Never Killed Nobody” adlı mahnısını təqdim edib. Kompozisiya filmin soundtrekləri arasında yer alacaq. Xatırladaq ki, Förci tezliklə ana olmağa hazırlaşır.

     Türkiyəli müğənni Demet Akalın aprelin 23-də doğum gününü qeyd etməyə hazırlaşır.  Ulduzun həyat yoldaşı Okan Kurt bu münasibətlə  ona bahalı hədiyyə alıb.  Okan bəy məşhur pop ifaçısına 20 min lirə dəyərində saat alıb.

     Cənubi Koreyanın ən böyük telekanallarından biri olan KBS PSY-ın yeni “Gentleman” klipini efirdə yayımlamaqdan imtina edib. Kanal rəhbərliyinin fikrincə, video çarx anti sosial davranışı dəstəkləyir və gənclər üçün pis nümunə ola bilər. Xatırladaq ki, sözügedən ekran işi aprelin 13-də Youtube saytında təqdim edilib və artıq 140 milyon insan tərəfindən izlənilib.

 

Sahilə Aslanova

 

Muz-Tv.az