Gənc müğənni: “Yeni duet ortağım Türkiyənin çox sevilən ifaçısıdır”

Gənc müğənni Rövşən Civişov yeni albom üzərində işləyir. İfaçının sözlərinə görə, Türkiyədə ərsəyə gələcək disk böyük səs küyə səbəb olacaq.  

     Gənc müğənni Rövşən Civişov yeni albom üzərində işləyir. İfaçının sözlərinə görə, Türkiyədə ərsəyə gələcək disk böyük səs küyə səbəb olacaq. Onu da nəzərinizə çatdıraq ki, mahnılar toplusunun qardaş ölkə ilə yanaşı vətənimizdə də işıq üzü görməsi gözlənilir.
     Flora Kərimova ilə birgə ifalarına alışdığımız Rövşən, bu dəfə duet otrağını dəyişəcək. Qardaş ölkədən təklif alan müğənni tezliklə mahnısını sizlərə təqdim edəcək.
     Rövşən eyni zamanda klip çəkilişlərinə də hazırlaşır. “Səkinə dayıqızı” mahnısına ekran həyatı vermək istəyən müğənni özünü sözügedən musiqinin ən gözəl ifaçısı adlandırıb.
    Onu da deyək ki, Rövşən ənənəvi duet ortağını da unutmayıb. Belə ki, Flora Kərimova ilə “Səni sevirəm” adlı mahnı üzərində işləyən müğənni sevənlər üçün nəzərdə tutulan bu ifalarını növbəti ay tamaşaçılara təqdim edəcəyini eksklüziv olaraq Muz Tv-yə açıqlayıb.

 

Səbinə Zöhrabqızı
Rüfət Qarayev

 

Muz-Tv.az