Könül Xasıyeva dinləyicilərinə maşın hədiyyə etdi

Könül Xasıyeva dinləyicilərinə maşın hədiyyə etdi

   Əməkdar artist Könül Xasıyeva muğam sevərləri ətrafına toplayıb geniş konsert proqramı ilə çıxış edib.  Tofiq Bəhramov adına Respublika Stadionunda reallaşan tədbirdə Könül xanım onu dinləməyə gələnlərə əsl musiqi gecəsi yaşatıb.

   Havanın soyuq olmasına baxmayaraq , açıq havada təşkil olunan konsert öz axarı ilə davam edib. Səhnəyə çıxmazdan əvvəl “Muz life”-a müsahibə verən Könül xanım konsertdən nələri gözlədiyini açıqlayıb.

   İlk olaraq söz alan qiraət ustası Ağalar Bayramov tamaşaçıları salamladıqdan sonra Könül xanımı səhnəyə dəvət edib.Tədbirdə iştirak edən müxtəlif ictimai birliklərin nümayəndələri də əməkdar artisti müəyyən mükafatlarla təltif etmək üçün səhnəyə təşrif buyurublar.

   Tamaşaçılar tərəfindən gurultulu alqışlarla qarşılanan Könül xanım ifasıyla sevənlərinə möhtəşəm bir gün yaşadıb.Qeyd edək ki, gələn tamaşaçılar arasında keçirilən yarışda  qaliblərə 2 gözəl avtomobil təqdim olunub.

 

Səma Ələsgərova

Ramal Gülməmmədov

 

Muz-Tv.az