Murad Dadaşovdan İlhamə Quliyevanın oğluna qeyri-adi hədiyyə

Türkiyənin tanınmış müğənnisi Ebru Polad paytaxtımıza gəlib. Prodüser Pərviz Əsgərovun təşəbbüsü ilə Bakıya təşrif buyuran ifaçı yaxın rəfiqəsi, gənc müğənni Afaqın...

   Türkiyənin tanınmış müğənnisi Ebru Polad paytaxtımıza gəlib. Prodüser Pərviz Əsgərovun təşəbbüsü ilə Bakıya təşrif buyuran ifaçı yaxın rəfiqəsi, gənc müğənni Afaqın ilk albom təqdimatına gəlib. Müğənni:"Bu dəfə konsert üçün gəlmədim. Sırf dostuma görə buradayam. Ancaq anons edim ki, yay aylarında Bakıda çıxış etməyi düşünürəm. Hazırda bir neçə ölkədə konsert turum var. Hər həftə ən azı iki dəfə tamaşaçılarım qarşısında çıxış edirəm"-deyə əlavə edib.

   Yerli ulduzların Türkiyədə klip çəkdirməsi dəb halını aldığı bir vaxtda Ayaz Qasımov da həmkarlarından geri qalmayıb. İstanbula yola düşən müğənni gedişinin səbəbini klip çəkilişi ilə əlaqləndirib.

   Şoumen Murad Dadaşov xalq artisti İlhamə Quliyevanın oğlunun toyuna maraqlı hədiyyə aparıb. Keçmiş “KVN”çinin mərasimə gətirdiyi böyük tort sənətkarı təəccübləndirib. Fayton formasında olan tort şoumenin sahibi olduğu şirniyyat evində hazırlanıb.

   Rusiyalı repçi Assayın paytaxtın klublarından birində reallaşacağı gözlənilən konserti təxirə salınıb. Tədbirin yeni tarixi və məkanı haqqında heç bir məlumat verilməyib. Konsertin təşkilatçıları tamaşaçıların biletləri istədikləri zaman geri qaytara biləcəklərini söyləyib. Bundan əlavə biletlərin repçinin gələcək konserti üçün də qüvvədə olacağı vurğulanıb.

 

Səma Ələsgərova

 

Muz- Tv.az