Xarici şou-biznesdə baş verənlər

Populyar rusiyalı müğənni Filipp Kirkorovun “Faktor A” şousu zamanı vəziyyəti pisləşib. Sənətçi o qədər həyəcanlanıb ki, əsəbləri buna tab gətirməyib. 

    Populyar rusiyalı müğənni Filipp Kirkorovun “Faktor A” şousu zamanı vəziyyəti pisləşib. Sənətçi o qədər həyəcanlanıb ki, əsəbləri buna tab gətirməyib. Buna səbəb münsiflər heyətinin aralarında pıçıltıyla danışmaları olub. Filipp qışqıraraq fikrini toplaya bilmədiyini söyləyib.  Həmkarları müğənnini sakitləşdirməyə çalışsalar da, sənətçi bağırmaqda davam edib.

    Amerikan yol polisi aktrisa Riz Uizerspunu verilən əmrə tabe olmadığına görə həbs edib. Polis ulduzun həyat yoldaşı Ceyms Totun idarə etdiyi maşının qeyri-sabit hərəkət etdiyini anlayan kimi avtomobili saxlatdırıb. Uizerspuna maşında qalmaq tapşırılsa da o, avtomobildən enərək məmurlara qışqırmağa başlayıb. Nəticədə aktrisa qanuna tabe olmadığına görə həbs olunub, həyat yoldaşı isə avtomobili sərxoş halda idarə etdiyi üçün cərimələnib. Qərb mətbuatının verdiyi məlumata görə, ulduz baş verənləri şərh etməkdən imtina edib

    2011-ci ildə vəfat edən müğənni Emi Uaynhauzun atası Mitç Uaynhauz qızının sevilən mahnısı “Back to Black”-i səsləndirən Beyonsun ifasını bəyənmədiyini açıqlayıb. Narkotikdən asılı gənclərə kömək etmək məqsədi ilə qızının  adını daşıyan  dərnək quran Mitç: “Beyonsun mahnıya və Böyük Qetsbi filminə nə isə qatdığına inanmıram” –deyib.

   “Möhtəşəm yüz il” serialının Şah Sultanı Dəniz Çakır ilə “Mərhəmət” serialının baş rol ifaçısı İbrahim Çelikkol 1,5 ildir birlikdədirlər. Aktrisanın evlənmək istədiyi, İbrahimin isə buna razılaşmadığı iddia edilir. Nəhayət Dəniz bu məsələyə son nöqtəni qoymaq qərarına gəlib. Belə ki,  məşhur aktrisa yay aylarının sonuna qədər nikah masasına oturmayacaqları təqdirdə İbrahimdəm ayrılacağını söyləyib.  Xatırladaq ki, Dəniz Çakır son müsahibələrindən birində  evlənmək və ana olmaq istədiyini demişdi.

 

Sahilə Aslanova

 

Muz-Tv.az