Lara Fabian Bakıda konsert verəcək
Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzi və Madrid Klubunun birgə təşkilatçılığı ilə keçirilən Cənubi Qafqaz Forumunda...
Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzi və Madrid Klubunun birgə təşkilatçılığı ilə keçirilən Cənubi Qafqaz Forumunda iştirak etmək üçün məşhur belçikalı müğənni Lara Fabian Azərbaycana səfər edəcək. Belə ki,müğənni tədbirin əsas günündə Qlobal Liderlər Şurasının təsis olunması ilə bağlı xüsusi konsert verəcək. Xanım ifaçı artıq video müraciət də ünvanlayıb.
Yazıçı Aqil Abbasın “Dolu” romanı əsasında çəkilmiş film Şimali Kiprdə də nümayiş etdirilib. Yakın Doğu Universitetinin minlərlə tələbəsi filmi izləyib, yazıçı ilə görüş təşkil olunub. Qeyd edək ki, ssenari müəllifi Aqil Abbas, rejissoru Elxan Cəfərov olan film "Azərbaycanfilm" kinostudiyası tərəfindən lentə alınıb. Ekran əsərində Qarabağ müharibəsində Vətən uğrunda son damla qanına qədər döyüşən Azərbaycan oğullarının qəhrəmanlığından bəhs edir. Nümayişdən dərhal sonra tələbələrlə fikirlərini paylaşan yazıçı bu mövzuda çəkilən filmlərin çox olmasını istədiyini bildirib. Eyni zamanda tələbələrin suallarını cavablandıran şair “Vətən qəbiristanlıqdan başlayır” şüarı ilə çıxış edib.
Əməkdar artist Sənubər İsgəndərli Türkiyənin populyar "Zengin kız, fakir oğlan" serialında rol alacaq. Bununla bağlı aktrisa aprelin 29-da qardaş ölkəyə yola düşəcək. "Türkiyədən gələn təklifi nəzərdən keçirdikdən sonra qərara gəldim ki, özümü sınayım. Hələlik ifa edəcəyim rol haqda bir söz deyə bilmərəm. Çəkilişlər mayın əvvəlində başlayacaq".
Adı daim qalmaqallarda hallanan populyar müğənni Rəqsanə qızı Aysunun kolleksiyasından geyinməyə başlayıb. Artıq bir müddətdir ki, modelyerliklə məşğul olan Aysunun əl işini anası çox bəyənir.“Onun kolleksiyasından olan göy paltarı çox bəyəndim. Belə qərara gəldim ki, geyinm. Əynimdə də yaxşı qaldı. Ümumiyyətlə, Aysun çox istedadlı qızdır. Onun əl işlərinin hamısı uğurlu alınır”, - deyə Rəqsanə vurğulayıb.
Türkiyəli müğənni Sibel Canın Bakı konsertinin vaxtı məlum olub. Sənətçi iyunun 7-də sevənlərinin qarşısına çıxacaq.Konsertin təşkilatçısı Nahid Emiloğlu proqramın reallaşacağı məkanın hələ dəqiqləşmədiyini bildirib. O, Sibel Canın sürprizlərlə dolu bir şou nümayiş etdirəcəyini vurğulayıb.
Sərvər Mehdiyev
Muz-Tv.az